مطرة الريدة

يوم مطرة الريده نزلت

تسقي عشاق الجمال

يلا يا اخوانا دقوا

طبل دنيتنا الحنينه

البنيه سحابه كابه

والقلب ارضًا يباب

بيها تتفتح زهورو

ويبقي من صحراءِ غاب

نستظل باللقياء دايما

ونجني اثمار العذاب

العشنا في ذمنًا بعيد

من فراق كان بينا طول

كنت بتذكر عيونا

يحرد النوم لي عيوني

ارجع اتأمل خدودا

القي لطمات في خدودي

من عذاب الدهر لطمه

ومن كلام الناس لطمه

من حنيني وانتظاري الف لطمه

يوم لقيتك

يوم لقيتك داير اصافح

شفت خصلت شعرك المسدول

تصافح لي طرف رمشك

بقيت مستني

بس لارمشك فكه الخصله

ولا خصلتنا الفينا انفكت

وسرحت بعيد

اصلوا خصالنا النظره طويــــله

اصلةو خصالنا البت دي جميله

خصال عاشق

عشق خصلة شعر ست الحسان

وكت ما تصافح الرمش الكحيل

من غير مرور مرواد عليو

نص دايره

زي يدين يتشحد في السما

ياربي ماتفوت من جنبي لحظه