كنت داخرك للعديلة
محمد السر
كنت داخرك للعديله
وراسمك النور الالهي
لوحه لي احلام جميله
فيها افراحي وبراحي
ماافتكرتك تنسي ريدنا
وبي مشاعري الصادقه لاهي
كنت داخرك للعديله
وانت داخر لي جراحي
لما غابت شمس ريدك
شمسي كانت لسه حيه
ولما بعت مشاعري عمدآ
وكان مشاعرك موسميه
ليك ضحيت بي حياتي
كلي كان في ايديك هديه
اصلي داخرك للعديله
بس انت داخر لي منيه
المشاعر ما المشاعر
ياحبيب باع الامانه
ياليالي جميله كانت
لي صباح ما لقالو خانه
كنت داخرك للعديله
لي عديلتي الضاع مكانه
كلو ما طيفك يلوح
بحمد الله علي بعادك
اني اخلصت وهويتك
وانت بعتني في مزادك
بكره تعرف ومابفيدك
لي هوانا يطول حدادك
اني داخرك للعديله
والنصيب ماكان مرادك
كنت داخرك للعديله
وراسمك النور الالهي
لوحه لي احلام جميله
فيها افراحي وبراحي
ما افتكرتك تنسي ريدنا
وبي مشاعري الصادقه لاهي