جاتني بيضاء
قولتلا
اتزكرت قلبو ..طيبتو
ضحكاتو … وصفاهو
اتدمدمت حين خجلة
بي توبا السحاب
دنقرتا في حين زكرة
لي كلمات هيام لي قاﻻ فاهو
حمرت لي ..
قوتلا مالك؟
غيرة منك؟
قاتلي ﻻﻻ
علا كل يوم شايفة زولك فيني
منو كفاني
من عينيك كفاهو …
…هههههههههه
اتي ﻻقية؟؟
هو لما نورلك وطاتك
حقو تفرشي ليو حديقة
وتبقي ليو اقرب صديقة
وكت يغيب منك ثواني
تشكي للخالق جفاهو..
ها
عاملة وشك زي بسمتو
شن اسوي انا في قسمتو ؟
زول رسمتو ..نبضي
في قولو وفي صمتو
وسعدي بي علنو وخفاهو
ها
تري لي جاي
عاملة ضيك زي طريقي
لما يمشي معاي رفيقي
ويظهر العشق الحقيقي
ويمﻷ دار القر دفاهو
حسي مالك ماشة بدري ؟
لسة باقية دموع واحلام
ﻻ اقتنعت انا اني ارقد
وﻻ حاسة رفيقي نام
ديمة خاربة معايا وش
وديمة جايبة ليك كلام
كان حردتك ما بعودلك
وما بخسر فيك سلام
ات حسي وراك شنو ؟؟
ﻻ وﻻد دايرين عشاهم
ﻻ اهالي الهم غشاهم
ﻻ حبيب لملم خطاويه
وميتة شان دونك مشاهم
ما تجيبيلك ملام
روقي بينا كتير وحاتك
اشكي ليك انا من زماني
واتي اشكي لي مني
هههههههه جنس شكاوي
وان زهجتي
نقلب الموضوع قطيعة
نكفت الليل دا ونكاويه
والما شفتيو في عيوني …
اني نضاااااامة وبونس
وحافظة آﻻف الحكاوي
بحكي ليك ان درتي قصة
وعادي بشرح ليكي حصة
واعد ليكي لحدي خمسة
وبهدي ليك من روحي همسة
وعادي لو سامحت بنسى
وعندي مية حاجة لسة
…عندي مية وجعة لسة
وعندي مليون ضحكة لسة