قول لي جدادك كر

زمنك كلو تاكل باردة ماضُقتْ شر..
زمنك كلو نحن نعوم وانت تغنى ماسك البر..
وزمنك كلو فوق الفارغة فوق ريح المدن منجر..
الخير انسرق من دارنا لا حسيت ولا نحاس القبيلة نقر..
ولينا سنين خلانا سموم وما شربت حفايرو مطر..
منيحه الشافع الأُمّاتو راحن فى شموس الحر..
صقور الباشا نهشن من ضروعا وفوقنا طارن فر..
كلاب الباشا فطرن فيها وما لقن البيقول لها جر..
والباشا الغشيم فى ذاتو قعقع ومن كُبادا فطر..
لا ولداً يقولو انتر ولا مهيرةً تقولو فشر..
ويا الباشا الغشيم قول لى جدادك كر..