في نفس الحتة
محمود الجيلي
في نفس الحتة و ذات البيت
دروخني نسيم
طراني هواك خلاني بكيت
حرشني الشوق ارجع لي الريد
و اتناسى جفاك لكني أبيت
عبيت جواي ذكراك زمان
ما قدرت نسيت بل إتناسيت
و قعدت معاي في ضل الروح
ونستني بيك و مشيت ما جيت
طيب ما دام الريد إحساس
مالك بي ريدك ما حسيت؟؟
… و مادام بتحوم في جوف الناي
مالك بي صوتك ما غنيت؟
ما دام طوفانك هد الكان
مالك بي المركب ما عديت؟
ما دام بتقول بتحدى معاك
مالك للعالم ما اتحديت؟
مادام…مادامت ريدتك لي
مالك في صدك ما اتماديت؟
ما دام حرمت الفرحة علي
مالك في فرحك ما اتهنيت؟