فارق معاك ؟
ود مسيخ
ما قبييل طردت الامنيات
ومرقت لى اﻵلام براك
وقعدت فى حر الشقا
وخليت وريف الريد وراك
سديتنى فى حوش القصيد
قايلنى ما بحمل بلاك
واريتنى فى حضن العذاب
ماسك تلابيب الصبر قبال
إروح وإتبع جفاك
انا ما عزلتك شأن تغيب
وتضارى فى الاعزار لقاك
وانا ما تركتك شأن نسيت العشرة
او خليت هواك
انا ماندهتك للغنا شأن تبعد إنت
وإعود صداك
وانا ما حكيتبك لى النجم شأن
تحجب الاقمار ضياءك
وأنا مانسجتبك الحروف شأن
إنبطح فى القول سواك
انا ياخى مليت الصبر
مليت تجاهلك وجفوتك
مليت متاريس إشتهاك
ورجعت مكسور الجناح
بصرخ ولاااااا فارق معاى
ترجع تقول فارق معاك؟
ياخ أختشي!!