بتنادي علي؟

دار تعرفي بعدك كيف حالي

حايهمك لو ذرفت عيني

لو تهت وراك في ترحالي

ماكان أطيافك تتعزز

لو كنت عليك أنا جد غالي

ماكنت مشيت نص السكه

وات عارف انك في بالي

بتنادي علي؟

وانا ما أتأخرت ف يوم عنك

لو بس كان همسك ناداني

تلقاني في لحظه قريب منك

وانا ما ناديت غيرك تاني

وعيني لو غايب شايفنك

كيف بعد ماتمشي وتجفاني

لسه الجواي ماناسنك!

بتنادي علي؟

بس ارفع صوتك شان اسمع

لساك خايف؟

بس لو تعرف كيف بتوجع

ماكان الخوف حيطولك يوم

ولا كان هسي البينا إتصدع

لو كت بتريد ماكان هميت

وانا وريتك إني بريدك_

وات ما ابتسمع…

ياما ندهت عيك ورجيتك

وإترجيتك وقررربت أركع

وات مابتسمع

بس داير أعرف إيه الجابك

داير نتصافي ونتعافي

وتاني اسامحك واقبل وأرجع؟

ياغالي وحاتك مابتقدر

وما فضل فيني البتوجع

عارف إنك تاني بترحل

ووارد قبل صداك مايرجع

بتنادي علي ؟