بت البادية ما بتتجمل
يوسف ود النقعة
الشي العارفو بت الباديه ما بتتجمل
والجات ناقصه من المولي ما بتتكمل
الشعبه المسوسه قالو ما بتتحمل
والفي بيتا راجل اصلو ما بتتهمل
المرا قالو وليان والولد لي عمو
والضابحنو قطع الشك بدفق دمو
الما بشيل لهمك م تشيل لهمو
والقارصو الدبيب لازم يطلع سمو
الصيد ان جفل بي هينه م بتحاصر
والزول اللئيم ف حقو م بتباصر
الزول قدر ما يعيش في العمر بتقاصر
والجفاله غير محويت محال تتماصل
الغناء ماهو تركيب قافيه حرفيه
بجيك من الاله بفطرتو الكونيه
ما بفيدك غناك الجايبو بالزنديه
وما بطرب غناك ان ما هبشلو قضيه