بحبك زين
تغُشيني وتقولي لي بحبك زين
وانا المسكين وانا المغوش
وتاريك لاعبه علي الحبلين
يا غشاشه يا دجاله
يحبك سيف جديد وسَنين
يقطع ليك ادياتك
يكسر ليك كريعاتك
يخليك طير بلا جنحين
تطيري سنين وما تتلمي ..
بدل واحد تحبي اتنين
نحن عندك ذي فستان
كم طويل وكم قصير
واحد للبس بالليل
واحد في الصباح تاتيل
احبك صرمه يا ضرمه
واحشك بصله شاورما
واسويك فته للطاشين
برضو تقول لي بحبك زين
ومع كل قطر رسالاتك تجيني مطر
حبيبي اللونك أسمر
بلاك الدنيا ما بقدر
قطر يشيلك يوديك السماء الاحمر
يشيلك زي هبوب طوكر
وانا الكان مناي نكون اتنين
نسكُن في قصر عابدين
وازور بيك لندن ديك يا السمحة
واوديك فسحه لبرلين
لكن فورتي علي دمي
وكترتي علي همي
وانا البى وراك نسيت امي
برضو تقولي بحبك زين
يحبك سيف حديد … يقطع ليك ادياتك
يكسر ليك كريعاتك يمعط ليك شعيراتك
يخرب ليك لقائاتك يخليك شينه بين قوسين
طالب ربي ..
يوم يبلاك بواحد يكون عنتر
عضلاتو حديد ادياتو متر
يطرشك كف ..يلفك لف
يلخبط ليك وشك يخليك لا قرد لا زول
