اسم الكاتب: ghaydood

اللاقيتو في نهاريه خلقه محفل
جاب لى قلبي شحتافه وبقيت اتطفل
طرفو الخاتي ، قلبي غرامو بيهو اتكفل
طبلون عشقي طللق ارمي هن ما قفل

قمر السبعتين الضوا ما لاقاني ..
ومالاقيت بعد محبوبي قمراً تاني ..
أنا يامروة كان الله الكريم أداني ..
أشريي ووأوزعو لخلق الله بالمجاني ..

علي خدي يا دموع الفرح
كان صدري ضيق وانشرح
دي آخرة الألم اللقيتو
في اول الأحزان جرح

ﻳﺎ ﺣﺒﻴﺐ ﺍﻟﺮﻭﺡ ﻳﺎ ﺍﻟﻤﻼﻙ ﺫﻭﻗﻚ
ﺭﻭﺣﻲ ﻣﺸﺘﻬﻴﺎﻙ ﻣﻴﺘﺔ ﺑﻲ ﺷﻮﻗﻚ
ﻳﺎ ﻗﻤﻴﺮﻱ ﺍﻟﺪﻭﺡ ﺳﻮﻱ ﻟﻲ ﻗﻮﻗﻚ

ﻳﺎﻟﺠﺎﻫﻠﻪ ﺍﻟﻤﺴﻬﺮﻩ ﻋﻴﻨﻪ ﻳﻮﺕ ﻟﻠﺸﺮﻗﻪ
ﺍﻟﺮﺍﺩﻙ ﻣﺒﺸﺮ ﺑﺎﻟﺤﺘﻞ ﻭﺍﻟﻐﺮﻗﻪ
ﺍﻫﻠﻚ ﺑﻬﺪﻟﻮﻧﺎ ﻭﺣﺠﺮﻭﻙ ﺍﻟﻤﺮﻗﻪ
ﻣﺎﺧﻠﻮﻟﻨﺎ ﺣﻴﻠﺘﻦ ﻏﻴﺮ ﻧﺠﻴﻚ ﺑﺎﻟﺴﺮﻗﻪ

من يوم فتي قلبي تراهو في آلامو
هداهو إبتعادك والدهر واحكامو
اخفي البيا وأصبر كان تحن ايامو
دمع الشوق يقطر وطرفي يابا منامو

عشنا ايام في عمرنا.. كان مناي لو ربي عادِن
كلما تجمعنا ذكرى.. هن بزيدن في بُعادِن
و كلما اتواعدنا نرجع.. أصلو ما بيصدق ميعادِن
الزمان في الناس بيغيّر .. في القلوب، و الناس معادِن

تلاته ايام نويح دمعاتي جارية تملي
وين اصحابي وين ايمان ووينو مظلي
وين عمار ووين هتان يجي يكفرلي
شاحداهو الكريم من نوحي بس يغفرلي

مريودتي الحشيمه وبالأدب مفطومه
قلبي عليها ديمه وبعزره ومابلومه
نامت وباله رايق وبيا مي مهمومه
وانا سهران اقللب في العيون إلبومه

معاها عرفته إنو الحب هويه
هدتني فؤاده والروح النقيه
اريده عصارة الخود الأبيه
درفونه وازتني جنس ازيه