اسم الكاتب: ghaydood

أول خيار بختارو
لمان أحس بالضيق
أول خيار لي قلبي
الإتصال بصديق

بي أشواقي حس
بي نظراتو سلم
و بي بسماتو مس
يوم المغربية

مع إنو كل الناس سوا
وخلقوها من موية و تراب
لكن عيونك يا جميل
خلقوها من طين العذاب

صباح الحبيبه البتغلي المشاعر
تخليها فوقك تشكل سحاب
تضلل عليك بالهموم والمواجع
تسخن تدفق عليك بالعذاب

الصباح باهت بدونك
والعيون راجياك تجيها
والضلام الفيني أدكن
من مواجعي البحتويها

سلخ جلد الحنين ضيك
سأل جوايا صوت الريد
صحيح ضي الحبيب زيك
وكت لفحنك الغيمات

بي باب الحوش الوراني حسيت بي صوتك ناداني
لفحة التوب فردة مركوب كسار الطوب خرش شوقي
وانا دايرة اطير لا شايفة الناس لا شايفة الغير

صباح الخدرجي و صباح الجزارة
صباح الضبيحة و صباح الخدار
صباح الطماطم كباراً و صغاراً
صباح الفرن و الرغيف لسه حار

قلت أكتب حاجة تانية حاجة لا حب لا غزل
بديت أفتش في المواضيع.. بديت أرصرص في الجمل
قلت أكتب في بلدنا.. تهت ما خليت محل

ياخي نقول في زول قابل معاك كم زول
وقبل يجيك قابل زول معاو كم زول
وقبل يقول سلام ياناس
قاطع نضمو واحد خاف وقافو يطول