البروق لاحت
والجروح البي لسه ما راحت
يا كريم تم لي
شوف بريق ام سور لي اتباحت
قل نوم العين والدموع ماحت
يا ربي هون لي بي حجة اتباخت
النبي من فراقو الحوت والابل ناحت
دي العباد راحت
زارت المختار والجموع راحت
قيدي انا المشغول رجلي ما داحت
ما شافت الخضرا في الحرم ساحت
يوم وضوع الخير العطور ففاحت
قاعدة في الكعبة لسه ما راحت
قالت الشفا انوارهو لاحت
ماشي في خمسة والرجل داحت
الحجر خاضع للرسول لانا
جادت العجفاء ودرت ألبانا
ان مشى في الرمال اثرو ما بانا
ردت له الشمس بعد غيبانا
عين قتادة بعد خسرانا
رداها الرسول رجعت في مكانا
الصيدة مقبوضة قالت لو وحلانه
رسولنا قال انا الضمين فكوها فرحانه
فكوها جات تجري صابه ألبانا
قالوا لها اطفالها مالك عجلانه
قالت خير الناس مسكتوا اضمانا
قالوا لها اطفالها لبنك حرمانا
الحجيج قامت ناسوا فرحانة
خلوني في داري حالي سجمانا
يا ربي هون لي القومة عجلانا
انا واخواني والفي الله خاوانا
حمد الرواي الفيك عشمانا
أمن لي خوفو الفيهو تيجانا
قلتلو الغرام باطنوا وسخانا
يا الرسول ربط سلوكو عريانا
الصلاة عليك بعد ما كان
توصل للرسول طه ملجانا
بيها الامة ان شاء الله فرحانه
تنجي للاسلام ما تخلي انسانا