عقدو الشورة

عَقَدو الشوره ناس بارود
وكَتَفو الشيل علي ابوسنينه ماهو قعود
أهَل عفّاسة القام بَضْرَه مو مَرْدود
للمسكين برافو وبِرْقَعو المقدود

سيد الناقه دَوّرْ للجديدي وكاسه
حَزَمْ الكيف زرازير الطمَلْ بلاّسه
حواها اتخنّق النوتيِتو رَشّ دهاسه
تَلّتْ ضيلها كيف الشبّلَتْ فوق ناسه

عَيِّطْ يا الرشيد قول : عوك
واوي ولايم الجَدَعَتْ حُوار باروك
حِسْ تَقَليّة المو خميلي في الحاروك
واردي الليله’سهريج ناس حسين مدروك

الريد يا البِنَيّه نوافل
فِكري معاكي في سنين المَحَلْ ديل قافل
ما بتتطّارد الجايح عليها السافل
غير نعلات شَبَطْ وعَزَباً مَكَلّق وحافل