لما اشتهينا غناء
لما اشتهينا غناء
الحقيقه علي البيوت
كانت العصافير..لسه
ما..ركت هنا
وكانت القوافي..رهاب..رهاب
متمدنه..ومستوطنه
العصب البموت..
الرادي..كان..بصدح
مع غناك العصر
وكانت الشمس مستنيه
الاخبار تفوت
ماجابت الاخبار جديد
غير انو قطعولنا
النشيد
غير انو كل مانقول
نريد..نلقاك مالينا..ومستف
حبنا
وركن حماماتك.. هنا
ركن سنه..وطارن سنين
عشرين
وذادت ذي سنه..
وقفن ..علي بابك كتير
ضاقن ..عزابات الضنا
وقفن..متل تمرايا
ريح استهونا
ووقفت..انا
كان لازم..الاخبار..تجي
ونقطع..حواس..الزكري
من رحم ..السكوت
وانا دابي ياداب..منتشي
ويادابنا كنا عرفنا..انو
نغني حق.كل..البيوت
ولسانا..ماكفانا شوق
لاشوقنا لي صوتك كمل
علينا صوت..الرادي
فوق
علاهو جرحنا يندمل
وسمعنا..والنور مكتمل
سلامات حبابك..سلامات
وقت الله جابك سلامات
وهمومنا..بين كل لزمه
كان بنزل.. حمل
يامصطفانا ..المحتمل
ياصوتنا وكت الصوت
قتل
يا الزدتا فينا ومابتقل
يا..
يا..
يا..ضلنا
وركن..سلاماتك..هنا
ركن..براهن ماغصب
ركن.بعد شوقنا التعب
وفاضن..عواطف..مزمنه
يامصطفي العلمتنا
كيف بحه..الغني في
الحقيقه علي البيوت
يا الزدتا فينا..ومابتقل
مالينا صوتك ومابيموت