يا دياري العامرة
نهى الكباشي
يا دياري العامــــرة كيفـــــــــــك؟؟؟
ولا كيف ستــــــرة بناتك؟
لسة ما زالت بتقدل؟؟؟
ولا قنعت من شتاتك؟
بطلي السكلابة روقي
القطر طول ما بسافـــــــــــر
ما تخافي يقولو فاتك
ختي إيديك فوق عيـــونك
ما تبالغي في امنياتك
قادرة تمسكنا السكينة
ونحن ما بنفتر وحاتك
يانا حاسين بي وجعتك
انتي عايني لينا زاتك
ويانا من بطنك مرقنا
وشلنا فوق الروح غلاتك
اوعى تقنعي من مطرتك ..
ياها برقت
وخمت الغيمات وجاتك