يا نخلة

اهو كل قصيده

بنكتبا

نحلم قصاده حلم

جميل

وترقد همومنا نتبتبا

ياوجعه دربك..

ليه طويل؟

اتلمن البنوت ضحي

دقن عقاب الجنزبيل

وكان نخله من باقي

النخيل

كانت البلاد مابتشبها

كانت كأنها مستحيل

ريح تلفحا

كانت براها بلاد

ونيل

كانت براها المابتميل

قالن عليها بناتا

انها نوسرت

كترت جروحا وكوفرت

شدآ سبيطا حمل

تقيل

يابلادي..يا الخانقك

بكاك

ياقصه وين ماتقبلي

ولمه خوازيقك هناك

لمه كضاضيبك هناك

اتفقوا كيف..تتألمي

اتفقوا..يا المابتترمي..

كيف تترمي

ماعرفناغير

زحمتنا

في سوق ادمي

انو الخوازيق والدمي

قاعدين علي طاوله

خوار..

غشاهم.. السامري

الدني

واتغشوا بالفول والفشار

اتلموا..من بين كلو بار

قعدوا الصباح طلعوا

النهار

وغاب النهار

يانخله بي مين تحتمي؟