راجيك

مع إنو كل الناس سوا..

وخلقوها من موية و تراب

لكن عيونك يا جميل..

خلقوها من طين العذاب

مع انو كل الناس معاي..

لكني في بعدك وحيد

مع انو ديمه بنادي ليك..

لكن خطاك بعدت بعيد

مع انو صدك لي كتير ..

لكني مشتاق ليك شديد

و تعبت راجي المستحيل..

و كأني بجري ورا السراب

مع إنو كل الناس سوا..

وخلقوها من موية و تراب

لكن عيونك يا جميل..

خلقوها من طين العذاب

راجيك تحن يا سيد هواي..

راجيك يا مرضي و دواي

راجيك بحضن في الدموع..

بتحدى في نيران أساي

راجيك يا المحبوب تحن..

و اتهنى بي قربك براي

ما قدرت أنساك يا جميل..

ضيعت فيك حلم الشباب

مع إنو كل الناس سوا..

وخلقوها من موية و تراب

لكن عيونك يا جميل..

خلقوها من طين العذاب