بلاهم ما تسوى

الدنيا بلاهم ما تسوى

ومافيها بدونهم أي طعم

أصحابك لو صابك حزنك

يبقولك بسمة وفال ونغم

أول ما يشب جواك الضيق

تلقاهم نضفو فيك الهم

وسقوك العافية بدون ما تحس

وملوك بالضحكة وزيها كم

أصحابك عيدية وفرحة

وشايلنك يوم تصبح حافي

بختارهم قلبك-دون الناس

ومزاجك وياهم صافي

بي عيبك ياهم دايرنك

ولو بينكم أميال وفيافي

ﻻ حروفك ليهم حا توفي

وﻻ شكرك حا يصبح كافي

ياريت تبقي عليهم عشرة

وتبقالهم زي ما دايرنك

ياهم وقتين ما تقول اﻵه

تلقاهم جنبك وساندنك

وأفراحك في عيونهم تظهر

طوالي حداك ومﻻزمنك

ما بقفلو بابهم في وشك

في غلطك ديمة مسامحنك

والﻻمن تبعد يحسبو ليك

بالشوق تلقاهم راجنك

ياريت تبقي عليهم عشرة

وتبقالهم زي ما دايرنك…