مشتاقين
ومشتاقين ..
حبيب القلب يا طيب
أراضيك وين؟؟
أمس مالحقت أمسي عليك
ولا مساني من طيب الأغاني حنين…
سنين مرت عجاف بالحسرة
ماخلت وراها سنين…
ورغم قساوة الفرقة وعذاب البين…
رذاذ في روحي حسيتك…
مسكتك وانزويت شارعين…
ودسيتك من الشك الملاني يقين…
براي في سري غنيتك…
رميت الهم علي ضهر الغنا المسكين…
!!
!!
وكان ياريتني ياريتك…
قريت الخطوة يوم ماشين…
مشوار الهوى الودرني يوم فترني…
بي أمشي وتعال بعدين…
وكيف دودرني لي قلب الحبيبة كمين…
!!
!!
فتح قي ضحكتة ال”وردة”
وغرز في خصرها السكين…
وباع سر الرحيق للسابله
واسراب النحل بالدين…
صرخ جوه الحنايه وسن
واهتزت مشاعر الطين…
لفظ بحر الخطايا بين قوسين
( وطن مفصول شمال ويمين )…
وإتبدد حلمنا سداً…
ختم جرح النزوح في الروح…
فما ضرا الخلايا اذن…
ولا فضل في إيدك هين…
عشان تزرف دموعك طن…
علي الزمن البكيتو ضنين…
وزدت علي العليك وهن…
لا حصنتو بي يسن…
ولا بادلتو سوء الظن…
ومشتاقين…
حبيب القلب يا طيب….
أراضيك وين؟؟؟