البت اشجار الصندل

كنتِ معاي

وكان الشوق فـِي الكرسي الفاضي

وطعم الحتة حزين

ولون القلب بنفسج

كانوا جميعا بيسألوا عنك

وينا البت اشجار الصندل ؟

وين ؟

منقاية الروح.

وثمار المشتل ؟

وانت لأنك كنت .. ومافي

كان الشاي .. بس ناقص سكر ..

فيهو حليب .. بس فاقد الابيض ..

وكنت بفكر ..

كم حتمسي وانت غياب ؟

وهل حتصبح دونك تاني ؟

الخطوات جابتني الحتة الكنا .. وكان

وقعدت براي

صوتك كان بيغني بقربي

وانا مشروق

في حلقي حنين

والذكرى مدينة وكم مشوار

منديل منتظرك

وباقي دموع فـِ الكرسي الفاضي

وكمل الشاي

بس فضل طعمك

فـِي الايام …

الـ هل حتمسي وانت غياب ؟

وهل حتصبح دونك تاني ؟