أنا ما غلطان
ودفقتك
مع حترب عشق ماضي
جدعتك في نفايات الغرام الهش
وقلبك اصلو ماراضي
بعد كل الحصل هذا انا المظلوم
ضميرك بينا هو القاضي
وليه عُشاق قلوب الناس بعيدو سعادة الماضي
وانا المن ماعشقتك كان ولا ارواني شريانك لحدي اليوم بعيش صادي
صيام العشق اصبح لي افضل من افتش ليك أقلو ضميري كان راضي
قوانين العشق جواك قديمة شديد
وقصة ريدنا بالتحديد
ضحية لبعبتك في الريد
وقانون أُسك الصادي
تخيل كيف شعور قلبك إذا لامس احاسيسي وسمع همس العيون بادي
بلحن في نغم همسك يدندن في وتر رمشك يظلل ليك حر شمسك يعيد أجمل حلم أمسك فهل إحساسي لو مسك بتتخيل يكون عادي؟
كتير الذكرى بتألِم وكت يتجرح الماضي
وقلبك لما تهديهُ لزول غالي وماعادي
تغلفو بالحنان والريد هديه تكون في جو هاااادي
وتتفاجأ بكُل بساطة قلبك ينسو في النادي
وبرضو أمرا من ذلك بعد نسيانو في النادي
ولا صادف لو حتّى لقيط ولا ذاعوه في الرادي
لغاية صادفو الفيضان ولحّقو ضِفة الوادي
وقُمت لقيتو بالصدفه وبي حُكم القدر راضي
وبرضو تقول تحب ترجع حبيب ذي كنت في الماضي
محال اديك قلب حابيك
تسيبو تروح بعيد غادي
وماتلوم حد غير نفسك لانك بالظلم بادي