يابادي النجوع

يابادي النّجُوع ما شُفْتَ خيرالسيد ؟
قطّاع الفَجاج فوق المِصاعو جديد
شَلَعْ الحوش وقام مِن الطّويشه صعيد
دي الوَلَد البِصوقِر في البَطيحه رشيد
عبدالخير رِكِب ليها وبِقالها عقيد
دليل الْبِلْ بقول:المَرْقَه في الويحيد
ياناقه اصَّبَّري بَرَّاق دُوانه بعيد
هَبَّارة الزِّرار أمانه عندِكْ سيد
سُلطان بي جوابات الكِتابَه بفيد
ابوياقوب جليس الفاها مو تقليد
الشِّقَّكْ بخيت والفارَقَكْ جِلِّيد
نُقَّارتَكْ تقُحْ نزْلكْ عِلوهو بعيد
ابوالتوم جليس ام شُورَه عَنْز الليد
نَزَلْتَ ام قوز نحاسَك لي القبيله بكيد
وابوعلي فارس ام دُروع وحديد
عِجْل اُم ناطِح الفي الجَبْهَه قَرْنو فريد
وبَحَر المالِح الفوق الكَباري بزيد
ناس البيه ضَلَّلو وهاداكا عوض السيد
بَلا زَمْل العِقال خَرَب المصافي هديد
عِتِلْكُنْ بِقْلَع الرَّفَّه وعليها شديد
وقَدَحْكُنْ بِشْبِع الألْفيني يوم العيد
وميزانكُنْ تقيل في دارنا مالو نديد
واني الدَّارْس العِلوم في راسي عِندي قصيد
دَايِرْ لَيْ قَعوداً بي الرَّسَنْ عِرِّيد
كان ارْكَبْ مُوَرِّكْ وكان اكوسْلو شَديد