جقله

جَقْلَه ليها مأوَّلْ
اُم شَحَماً كالْ واتْعَوَّلْ
دورْهِنْ دَرْمَسْ طَوَّلْ
لِقِي ام كُرْبيلاً نَوَّر

اُم بَزْرَاً قاطْع الفينَه
الحَرْبْ ما بِرْمِدْ عينَه
حَزَمو الكُوع ساوينا
علي الكَدَّمْ رُكْبينه

عَدَلْ راسْها ما بْتَقيفْ
مُرْعاها بي تِكْليف
حَنَّانْها المو خَفِيف
عايِطْ الجِرَانْ في الزِّيِف

تَتْرَزَّمْ تَتْشَرَّفْ
لي ام كُرْبيلاً خَرَّف
الدّور دَانولَه مْعَرَّف
سريع في الخَبْ يتْغَرَّف

سَمَاحْ تِمْثيِلَه غنايا
علي قُجَّتْها ام رَايَه
الما بْحِلْ اُم طَنَايَه
اليِبْرا سروحها نهايه