الزمان قادر يغير

عشنا ايام في عمرنا.. كان مناي لو ربي عادِن
كلما تجمعنا ذكرى.. هن بزيدن في بُعادِن
و كلما اتواعدنا نرجع.. أصلو ما بيصدق ميعادِن
الزمان في الناس بيغيّر .. في القلوب، و الناس معادِن

الزمان غير حبايب.. و غير الريد في عيوني
خلى كل الذكرى مُرّة.. تمشي لحظاتا و تجيني
و الحبيب ضيّع هوانا ..وضاع معاو عمري و سنيني
كنت رايدو و كنت دايرو.. و سابني ما قدر حنيني

الزمان قادر يغير.. في القلوب الا القلايل
و كنت قايل رغم جورو.. أصلو ما بغيرنا قايل
و حبنا السامي البعرفو.. الأصلو ما محتاج دلايل
الزمان ضيعنا منو.. و لينا ما حفظ الجمايل