الرسول الصافي الصافي
أكرم منو مافي
البدر انقسملو
ملك الموت بسملو
الأمر انحسملو
منو الرسل كملو
يا حصني وملاجي
مركز كل لاجئ
في رؤياك علاجي
وما خيبته راجي
السنين محيلة
والأعمال ضحيلة
ذو العين الكحيلة
غيرك مافي حيلة
يا سيد أبينا
يا النافي الغبينة
في الذنوب ملينا
إنت الأولى بينا
يا نور المدينة
يا البيك اهتدينا
ليك لمتين مشينا
شفنا القعدة شينة
يا الحبك معايا
من أول بداية
مدحك لي سعايا
وما قصدي الدعاية
العباد غريقة
ضلت الطريقة
غيرك يا الشفيقة
ما عارفين طريقة
مدحك ما بخلي
لو جافاني خلي
بيك بطيب محلي
يوم أقوم مولي
يا كاب البلية
حمال الأذية
يا والد رقية
قول حملك عليا
ضمين أم الجدية
ذو الكف الندية
مادة ليك يديا
أقبل الهدية
البرق تلالا
خلى الكل في حالة
أب حبا حلالا
نقعد منو… لالا
ود أحمد تمنى
وليك قلبو حنّه
ما بنفع عملنا
فيك يا طه أملنا
صلوات غير عدادا
لي البيهو السعادة
يوم الإمدادة
لزمنا الشهادة