عاجبني السرى في رجب
شاهد وشاف العجب
شفتو المنى والطلب

يا مولاي يا من وهب
كل الخير لمن طلب
طالبك ولاح في الطلب
زورة لخير العرب

سفري يكون في رجب
أوفي لنذر وجب
ولو بالمرة سعدي هب
أجاورو يكون دا العجب

ثنيت بحبيب الرب
الساد العجم والعرب
يوم الهول والكرب
ليهو الناس تهرب هرب

أحمد يا أخو العرب
صاحب الحوض والشرب
أهل الهوى والطرب
كم حبوا ليهم ضرب

يا لاهي سيب أم جرب
الفانية الفيها العجب
أقدم لمن ليهو حبب
النافر وعود الحطب

نبيًا زال التعب
زال الشين زال الكعب
ما رد ال ليهو طلب
ولنفسو شي ما طلب

المنصور بالرعب
بالأملاك وريح الغضب
يسر للكان صعب
زال العني والتعب

حين ما لاح واتشعب
برق أم سور بقى لي صعب
إن ما قم ليهو عبب
زاد ألمي وجاني التعب

عدّ الآمن وانرعب
وعد السمح والكعب
الصلوات لابن كعب
بيها كنيش لا يشوف تعب