يوم قلت سوداني

ﻳﻮﻡ ﻗﻠﺖ ﺳﻮﺩﺍﻧﻲ .. ﻋﺎﻳﺰ ﻟﻲ ﺟﻨﺴﻴﺔ
ﻗﺎﻝ ﻟﻲ ﻗﺒﻴﻠﺘﻚ ﺍﻳﻪ؟ .. ﻭﺍﻧﺎ ﻗﻠﺖ ﻧﺎﺳﻴﻬﺎ
ﻣﻤﻜﻦ ﺗﻌﺪﻳﻬﺎ؟ .. ﻗﺎﻝ ﻟﻴﺎ ﻣﺎ ﻣﻤﻜﻦ
ﻋﻠﺸﺎﻥ ﺿﺮﻭﺭﻳﺔ .. ﻭﺍﻧﺎ ﻗﻠﺖ ﻃﻴﺐ ﺷﻮﻑ
ﺍﻧﺎ ﺍﻣﻲ ﺟﻌﻠﻴﻪ .. ﻓﻲ ﺷﻜﻞ ﺷﺎﻳﻘﻴﺔ
ﻭﺍﺑﻮﻱ ﻫﻠﺒﺎﻭﻱ .. ﻭﻣﻼﻣﺤﻮ ﺣﻠﻔﺎﻭﻳﻪ
ﻭﺑﺼﻠﻲ ﺑﺎﻟﻌﺮﺑﻲ .. ﻭﺩﻋﻮﺍﺗﻲ ﻧﻮﺑﻴﺔ
ﺍﻟﺤﺎﻧﻲ ﺑﺎﻟﻄﻤﺒﻮﺭ .. ﻭﺍﺷﻌﺎﺭﻱ ﺯﺍﻧﺪﻳﺔ
ﻭﺳﺎﻛﻦ ﻗﺼﺎﺩ ﺍﻟﺸﻮﻕ .. ﻓﻲ ﻋﻴﻮﻥ ﺭﺯﻳﻘﻴﺔ
ﻧﺒﻀﺎﺗﻲ ﻧﻘﺎﺭﺓ .. ﺍﺻﻼ ﻣﺴﻴﺮﻳﺔ
ﺍﺣﻼﻣﻲ ﻣﺤﺘﺎﺭﺓ .. ﻣﺮﺍﺕ ﺑﺪﻳﺮﻳﺔ
ﻣﺮﺍﺕ ﺑﺘﺴﺮﺡ ﺳﺎﺍﺍﺍﺍﻱ .. ﺗﻘﻠﺐ ﺑﺠﺎﻭﻳﺔ
ﻛﺘﺮﺕ ﺍﺳﺎﻣﻴﻬﻢ .. ﺍﺟﻨﺎﺱ ﺧﺮﺍﻓﻴﺔ
ﺭﺍﺣﺖ ﻋﻠﻲ ﻣﻌﻠﻴﺶ .. ﺍﻟﺮﺍﻳﺤﺔ ﻣﻨﺴﻴﺔ
ﻗﺎﻝ ﻟﻲ ﺍﺧﺮ ﺍﻟﻘﻮﻝ .. ﺍﻛﺘﺐ ﻗﺒﻴﻠﺘﻚ ﺍﻳﻪ؟
ﻭﺍﻧﺎ ﻗﻠﺖ ﺍﻛﺘﺐ ﺯﻭﻝ .. ﻭﻗﺒﻴﻠﺘﻲ ﺣﺮﻳﻪ
ﺃﺑﻮﻱ ﺳﻮﺩﺍﻧﻲ .. ﻭﺃﻣﻲ سودانية