ألو

ﺃﻟﻮﻭﻭﻭ …. ؟
ﺻﻮﺗﻚ ﻟﺴﻪ ﻣﺎ ﺳﺎﻣﻌﺎﻫﻮ
ﺑﺲ ﻭﺍﻟﻠﻪ ﻣﺸﺘﺎﻗﻴﻦ
ﺷﻦ ﻓﺎﻳﺪﺓ ﻗﺮﻭﺵ ﺍﻟﻐﺮﺑﻪ
ﻛﺎﻥ ﻃﻮﻟﺖ ﻳﺎﺧﻲ ﺳﻨﻴﻦ
ﻣﻴﻦ ﺑﻤﺴﺢ ﺩﻣﻮﻋﻲ ﻋﻠﻴﻜﺎ
ﻟﻤﺎ ﺍﻟﺸﻮﻕ ﻳﺂﺯﺭﻭ ﺣﻨﻴﻦ
ﻭﻟﻤﺎ ﺍﻟﻠﻴﻞ ﻳﺸﺪ ﺃﻭﺟﺎﻋﻮ
ﺑﺘﺤﻤﻞ ﻏﻴﺎﺑﻚ ﻣﻴﻦ .. ؟
ﻣﺎ ﺗﺮﺳﻞ ﺭﻳﺎﻟﻚ ﺗﺎﻧﻲ
ﻧﺤﻦ ﻗﺮﻭﺵ ﻭﻻ ﻋﺎﻳﺰﻳﻦ
ﺍﻟﺒﺮﺿﻴﻨﻲ ﻗﺮﺑﻚ ﺟﻨﺒﻲ
ﺭﺑﻚ ﻫﻮ ﺍﻟﺒﻴﺪﻱ ﻳﻌﻴﻦ
ﺍﻟﺸﻮﻑ ﻣﺎ ﺑﻄﻮﻝ ﻟﻲ ﻏﺎﺩﻱ
ﺩﺍﻳﺮﺍﻙ ﺍﻟﺘﻜﻮﻥ ﺍﻟﻌﻴﻦ
ﻭﺍﻟﺤﻴﻞ ﻳﺎ ﺿﻨﺎﻱ ﺇﻧﻬﺪ
لﻤﻦ ﺭﺟﻒ ﺍﻟﻜﺮﻋﻴﻴﻴﻦ
ﺍﻟﻘﺮﺵ ﺍﻟﻴﻄﻴﺮ ﺇﻥ ﺷﺎﺀ ﺍﻟﻠﻪ
ﻣﺎﺩﺍﻡ ﺑﻴﻬﻮ ﻣﺎ ﺣﺎﺳﻴﻦ
ﺍﺻﻠﻮ ﻫﻨﺎﻧﺎ ﻏﻴﺮﻙ ﻣﺎﻓﻲ
ﺑﻴﻚ ﻧﺘﻬﻨﻰ ﻗﻮﻭﻝ ﺁﻣﻴﻴﻦ
ﺣﺎﺟﻪ ﺑﺘﺒﻌﺪﻙ ﻋﻦ ﻋﻴﻨﻲ
ﻳﺎﺥ ﺍﻥ ﺷﺎﺀﺍﻟﻠﻪ ﻓﻲ ﺳﺘﻴﻦ
ﻛﻢ ﻣﺮﻩ ﺑﻨﻌﻴﺶ ﻓﻲ ﺍﻟﺪﻧﻴﺎ
ﻟﻤﺎ ﻧﻌﻴﺸﻪ ﻣﺘﺒﺎﻋﺪﻳﻦ
ﻳﺎ ﻭﻟﺪﻱ ﺍﻟﻌﻤﺮ ﺍﻛﺮﻣﻨﻲ
ﻳﺎﻫﻮ ﺗﺮﺍﻧﺎ ﺑﺲ عايشين
ﺭﺑﻚ ﻟﻤﺎ ﻳﺎﺧﺪ ﺃﻣﺎﻧﺘﻮ
ﺗﺸﺘﺮﻱ ﺗﺎﻧﻲ ‏( ﺃﻡ ‏) ﻣﻦ ﻭﻳﻦ … ؟