شميت فيك ريحة هواي
شميت فيك ريحة هواي
ولقيت مذاقك مختلف
نكهة لقاك كانت ريق ماعندو في الإحساس
وصَف يابِت على أوتار الحنين
نغْمك على الروح يتعزف داير
أحكي ليك عن حالي كيف
وأفضح مشاعري وأعترف
أنا كنت جنبك وما معاك
حاضن عيونك ومتلهف في نبض ذاتك
اختفيت وأنا كلي من بعضي
ارتجف رويان وعطشان من شذاك
وريق الكلام جنبك نشف
مالقيت غير صمت العيون ودمعات مزينة بالولف
جيت داير أقول بهواك موت
ماقدرت أنطق فيك حرف
حسيت بي قلبي الرهيف في صدري من شوقك
وقف ومطاعونة روحي تثن تصيح
ودم الوريد نازف نزف لمسّة إيديك
كانت شفايا وأنا كنت منك منكشف
يابِت عيونك زي شعاع من نورك الكون يستلف
أنا فيك لقيت كل الجمال بنكهة وأحاسيس مختلف