و أقول معليش

واقول معليش بتحصل ياخ
واسامحك لو نسيتني معاك
واطيب خاطري بي شوفك
واذكر نفسي بي لقياك
ومهما طال بعادك لي
يكفي قليبي يووم حباك

ولا تشغل قليبك بي
ولا بشغل حياتي سواك
ولو مبسوط وانت بعيد
تأكد اني برضو معاك
ولا بتفرق جروحك لي
اذا ما كان علاجي هواك

انا البحلم اعيشك بس
واموت لو يكفي شان افداك
واكون زي ما بتحلم بي
ارض نيلك وشمس سماك
واشيلك في رموش العين
واخلي حواسي هي الترعاك

واطلع اي زول في قلبي
شان تتربع انت براك
يكون الحب مخصص ليك
وحصريا” علي دنياك
تعال وريني بس منطق
يوقف إنبعاث ذكراك

اذا ما كنت انت بشر
علي ملمح معاني ملاك
ولا لاقاني زول زيك
ولا معدن يضاهي هواك