قلبي واسع شديد
قلبي فيهو التفائل والرضى فيهو المواجع والألم
فيهو شوق لي ناس كتار فيهو مشاعر وفيهو حنان
فيهو مآسي وفيهو حزن فيهو فراق مع أغلى ناس
فيهو صبر ومعاهو أمل وحبه انتظار لي يوم غدا
فيهو تريس لي أي خطة فيهو بداية لي أي نقطة
فيهو أيام كانت جميلة فيهو صور لي أرواح دفينة
فيهو أحلام وفيهو أمنيات ما معروف شو مصيره
قلبي بنزف دمعه ألم ودمعه فراق ودمعه فرح ودمعه شوق
لكن أغلبه دموع اليمه
فيهو إيمان وفيهو إخلاص فيهو ثبات في مواقف عصيبة
فيهو صفات بديعة وفيهو صفات رذيلة وفيهو صفات غريبة
فيهو تراجع وفيهو تقدم وفيهو خوف وفيهو أمان وفيهو حب
فيهو كراهية وفيهو قسوة وفيهو حنان وفيهو تريس وفيهو تسرع
فيهو ضد كل الصفات
بس هو داري كيف بتصرف في أي موقف
وعارف بدي كرهه وبدي حبه لي منو
وعارف كل زول بستاهل شنو
قلبي واسع شديد بشيل إعداد من كل الصفات
بس انت ركز في كلامك غلطت في بداية حديثك
ارجع وشوف محل ديارك
معليش ما بقدر استضيفك لأنك جارح للمشاعر
وجبيلك فهمتك مشاكلي وكتبتهم ليك في رسالة
قلبي عايم في بحر المواجع وعاوزه داعم للسعادة
عشان كده مكتوب عنوانه في لافته بره مدعوم للسعادة
استحالة تستهبل عليه ترحل وتدخل زي ما داير
دخولك برحب بيهو لكن مغادرتك استحالة
بحاول أسعدك واديك أجمل عبارة
ولو أصريت في رحولك وما اتريست في قرارك
ارحل لكن على الدوام صورتك في قلبي محفوظة
احتمال تلقى السعادة من بعدي واحتمال تلقى التعاسة
في النهاية ما همي مش طلعت من قلبي
امشي واصل سكتك مع الزول البشبهك
بالرغم من كل أنواع الفراق العشتها وكل المواجع والدموع النزفتها
ما زال عايش في أمل عايش في تفائل لي غدا
جدد جوازه وحدد قيامه وقال مسافر مع الأمل
نبضاته بتقول ليهو سيب التعاسة سيب التشاؤم وأبدأ صفحة جديدة عنوانه
بكره حيكون أحلى يوم