سقت النم
سقت النم علي الراجل البشق الصي
و سقت النم علي الراجل النجيض مو ني
سقتو عليهو دا الراجل الصحيح الحي
سقتو علي ابوي نم البوادي ياخي
ابوي اللكرم يفتحلو ميه باب
ابوي راي البكر عندو ومسوي حساب
ابوي حاشا الغلط حاشا الكذب وخراب
ابوي القوة عندو وبس ابوي دراب
ابوي البعرفهو الناس كبير وصغير
ابوي يغنو بي من حلفا لي توتيل
ابوي ساترني حافظ سري جوا البير
مسدار الحروف لو جاني برضو يخوني في التعبير
ابوي حاكم الخلق بي كيفو
وتب ما خافلو زول من ربو بس كان خوفو
القوة الشهامه الطيبه ديل قريفو
ابوي لو جابو انواع السلاح م بقابلن حد سيفو
ابوي حدثني بشيتا كتير مو شويه
كوني سديده ها بت اوعي كوني قويه
وابقي نجيضه برضك لا تكوني النيه
دربك مستقيم ها بت و دوم دغريه
والزمي دينك اا بت واختي اي ازيه
وخليك ديما طيبه وكوني صافيه نيه
اختي الذمه والشك ديماا كوني تقيه
خليك في الدوام فاكراها مني وصيه
يا ابوووي لا توصي كتير وتتعب نفسك
وخليك وواثق انو محال تخيب تربيتك
ولا بختاهو افوت وين منو لي حديثك
يحفظك الكريم لينا وتدوم عافيتك