حواس خافيات

وقف الكلام عند الصفر
طارت معاني الأغنيات
من طلتك شبه القمر
شايل جميل الأمنيات
والخاطر الغايب حضر
وكتين تعاود الأمسيات
حتى الجمال فيك اندثر
كاسيك وقار المنجيات
نظرة عيونك هي الخطر
بترف جوارحك معطيات
واحساسي من شوقك فتر
بتفيدني تحكي المرضيات
ترضيني كيف والشوق بحر
واشواق غرامك خافيات
واخبار عيونك هي الخبر
بتبين مشاهدك عاديات
حين ترسى بتوادر خطر
ماهي الحواس فيك ساهيات
بتفرتق اقسى من الصخر
والفي خصالك ساميات
زادن نتايج .. المختبر
لاحت عواطفك راسيات
عنك بقول قول معتبر
قولا صريح كالأغنيات
يوصل يكون جواك عبر
وارجوك شيل الأمنيات
خليني افرح .. بالخبر
عني وعن الفيك شافيات
واسعد حنينا ليك صبر