لاقيتها في صف الرغيف
ﻻﻗﻴﺘﺎ ﻓﻲ ﺻﻒ ﺍﻟﺮﻏﻴﻒ
ﺑﺘﻼﻟﻲ ﺗﺮﻗﺶ ﺟﻮﻫﺮﻩ
ﻣﺮﺍﺕ ﺗﺰﺡ ﻣﺮﺍﺕ ﺗﻘﻴﻒ
ﻭﺍﻟﺒﺖ ﺗﻨﻘﻂ ﺳﻜﺮﺍ
ﻇﺎﻫﺮ ﻋﻠﻴﻬﺎ ﺍﺛﺮ ﺗﻌﺐ
ﺩﺍ ﺍﻟﺼﻒ ﺍﻛﻴﺪ ﺍﻟﻔﺘﺮﺍ
ﻭﻣﺸﻴﺖ ﻋﻠﻲ ﺻﻒ ﺍﻟﺮﺟﺎﻝ
ﻭﺷﻤﺎﻟﻲ ﻭﺍﻗﻔﻪ ﺍﻟﺴﻜﺮﻩ
ﺳﺒﺤﺎﻧﻮ ﺭﺏ ﺍﻟﻌﺎﻟﻤﻴﻦ
ﺧﺎﻟﻖ ﺟﻤﺎﻻ ﻭﻣﻨﻈﺮﺍ
ﻧﺺ ﺍﻟﺮﺟﺎﻝ ﺳﺎﺑﻮ ﺍﻟﺮﻏﻴﻒ
ﻭﻗﻌﺖ ﻋﻴﻮﻧﻢ ﻣﺤﻮﺭﺍ
ﻭﺍﻟﺠﻮﻃﻪ ﻗﺎﻣﺖ ﻣﻦ ﺟﺪﻳﺪ
ﻳﺎ ( الواثق ) ﺯﺡ ﻳﺎ ( الضي ) ﺍﺭﺟﻊ ﻟﻲ ﻭﺭﺍ
ﺧﻠﻴﻨﺎ ﻳﺎﺧﻲ ﻧﺸﻮﻑ ﻣﻌﺎﻙ
ﻳﺎﺣﺎﺝ ﻛﻔﺎﻫﺎ ﺑﺘﺴﺤﺮﺍ
ﻭﺍﻧﺎ ﻛﻨﺖ ﺳﺮﺣﺎﻥ ﻓﻲ ﺍﻟﺨﺪﻭﺩ
ﺍﻝ ﺭﺑﻲ ﺍﺑﺪﻉ ﻭﺻﻮﺭﺍ
ﺑﺎﻟﺼﺪﻓﻪ ﻣﻦ ﻏﻴﺮ ﻣﺎ ﺍﺣﺲ
ﻭﺩﻭﺍﺧﻠﻲ ﺯﺍﺗﻪ ﻣﻌﻜﺮﻩ
ﻋﻴﻨﻴﻬﺎ ﻭﻗﻌﻦ ﻓﻴﻨﻲ ﺭﺏ
ﺧﻠﻦ ﻋﻴﻮﻧﻲ ﻣﺪﻣﺮﻩ
ﺭﻳﻘﻲ ﺍﻟﻠﺌﻴﻢ ﺍﺑﺎ ﻳﺘﺒﻠﻊ
ﺷﺎﻑ ﺍﻟﺠﻤﻴﻠﻪ ﻭﺍﻓﺘﺮﻯ
ﺍﻟﻌﻴﺶ ﻫﻨﺎﻙ ﻓﻲ ﺍﻟﻨﺎﺭ ﻧﺠﺾ
ﻭﺍﻧﺎ ﻗﻠﺒﻲ ﺳﻴﺢ ﻭﺇﻧﻬﺮﻯ
ﺍﻟﺒﺖ ﺩﻱ ﻣﺎ ﺯﻱ ﺍﻟﺒﻨﺎﺕ
ﺍﺑﻴﺾ ﻗﻠﻴﺒﻪ ﻭﺩﻓﺘﺮﺍ
ﺧﻠﻘﻮﻫﺎ ﻣﻦ ﻣﻮﻳﺔ ﺍﻟﺠﻤﺎﻝ
ﺑﺎﻗﻲ ﺍﻟﺒﻨﺎﺕ ﺷﺎﻟﻮ ﺍﻟﺘﺮﻯ
ﺣﻮﺭﻳﻪ ﻓﻲ ﻫﻴﺌﺔ ﻣﻼﻙ
ﻣﻦ ﻟﻢ ﻳﺮﺍﻫﺎ ﻓﻠﻢ ﻳﺮﻯ
ﻋﻴﻨﻴﻬﺎ ﺗﺪﻳﻚ ﺍﻻﻣﺎﻥ
ﻣﺮﺍﺕ ﺑﺘﻨﻬﻲ ﺍﻟﺒﺎﺻﺮﺍ
ﻭﺍﻧﺎ ﺍﺻﻠﻲ ﻣﺎ ﺑﺎﺻﺮﺗﻬﺎ
ﻋﺎﺭﻑ ﻋﻮﺍﺭﺿﻲ ﻣﻜﺘﺮﻩ
ﻭﻣﺸﻴﺖ ﻋﻠﻴﻬﺎ ﻋﺸﺎﻥ ﺍﺷﻮﻑ
ﺭﻗﺔ ﺣﺪﻳﺜﺎ ﻭﻣﻈﻬﺮﺍ
ﻟﻔﺤﺘﻨﻲ ﺑﻲ ﺍﺟﻤﻞ ﻋﻄﺮ
ﺑﺎﻟﻔﻄﺮﻩ ﺳﺎﻱ ﻫﻲ ﻣﻌﻄﺮﻩ
ﺷﺎﻟﺖ ﺭﻏﻴﻔﻪ ﻣﻦ ﺍﻟﻔﺮﻥ
ﻭﺳﺎﺑﺖ ﻗﻠﻮﺑﻨﺎ ﻣﻜﺴﺮﻩ
ﻭﺍﻧﺎ ﺯﺍﺗﻲ ﺧﻠﻴﺖ ﺍﻟﺮﻏﻴﻒ
ﻭﻣﺸﻴﺖ ﻭﺭﺍﻫﺎ ﻋﻠﻲ ﺍﻟﻀﺮﻩ
ﻗﺒﻠﺘﺎ ﻟﻲ ﺍﻟﺼﻒ ﺑﻲ ﻭﺭﺍﻱ
ﺍﻟﻨﺎﺱ ﺍﻣﻮﺭﻩ ﻣﺒﻌﺜﺮﻩ
ﻣﻦ ﻓﺎﺗﺖ ﺍﻟﺴﻤﺤﻪ ﺍﻡ ﻭﺟﻦ
ﺧﻠﺖ ﺣﻴﺎﺗﻨﺎ ﻣﻌﺴﺮﻩ
ﻟﻮ ﺷﻔﺘﺎ ﻋﻴﺶ ﻣﻦ ﻏﻴﺮ ﺻﻔﻮﻑ
ﺑﻄﻠﻊ ﺑﺴﻮﻱ ﻣﻈﺎﻫﺮﻩ
ﺩﺍﻳﺮﻳﻦ ﺻﻔﻮﻑ ﻣﻦ ﻏﻴﺮ ﺭﻏﻴﻒ
ﻭﺗﻘﻴﻒ ﺷﻤﺎﻟﻨﺎ ﻫﻨﺎﻳﻪ ﺩﻳﻚ ﺍﻟﺴﻜﺮﻩ