غدار دموعك
مصطفى سيد أحمد
غدار دموعك ما بتفيد
في زول حواسو اتحجرت
جرب معاك كل السبل
وايدهو ليك ما قصرت
حطمت في قلبو الامل
وكل الاماني الخضرت
كلماتو ليك ضاعت عبث
لا قدمت لا اخرت
ما كنت وقت الليل يطول
وتشرق نجومه وتنكتم
ويطل شعاع
يصبح قناع
والظلمه ترحل تنهزم
وجفونا من طول السهر
تلبس وشاح حرقه الم
نستبشر اليوم الجديد
ونقول تعود انت العشم
والعشم وقتين يموت
والقصه تطعن في الحلق
كيف الحنين وقتين يهز
لي زول بعيد ما بتلحق
كيف الرجع لي زول قنع
شايل رفات قلبو الحرق
انسي الندم وانسي الدموع
الفات زمان ما بستحق
غدار دموعك ما بتفيد
في ظلمه ما بتعرف شعاع
اشباها زي موج العدم
كسر المقاديف والشراع
ونزلنا في طوف الفشل
وابحرنا في بحر الضياع
ونسينا زكراك الزمان
عشناها في زيف القناع
غدار دموعك ما تفيد