الشعر

الوكِت داك
كانت المرجيحه
من سعف المطايبه
والظنون كان لسّه ما كبرت
ولا قشّ الزعل

البارح عصفورتك
ركت في البال
رقصت
وأدت عصفور الريد شبال

مالو لو كان بالتمنِّي
مالو لو الحظ محايد

مالو لو طاوعني فنِّي
والغنا الغنيتو فايد

بلدنا.. ولا جِنان الدنيا
حتى إن ضاق مداها الحد
نبقنا و لا تمر جيرانا
في الضيق والرهان والكد

الشجر البخاف
من هزّة الريح
عمرو ما بترقّى
لي درجة

كان زمان الناس هداوة بال
وهو زمانه الترحال
قسمتك يا رقيق الحال
مكتوب ليك تعيش رحال

الجبال قالت غروب
لا المزامير راح تغنى
لا الهجايع راح تذوب
الحزن غطى المسارق

متين نرتاح
ونمشي على الحقول باسمين
بعزة وجبرة كل صباح
نخفف حملنا الفي الروح

وسرقت لحظة فرحه
من جبل الهموم دسيتها
في الضحكه العجوله…
إنتميت للبسمه

جات حمامة
ساكا ليها ضليل غمامة
والغمامة ضليلا واقع
في خدود الأرض شامة