الشعر

يا الطالع الشجرة
جيب ليْ معاك خِيمة
تســتُرْ من المطرة
إن كبَّــت الغـــيمة

زعلان منك أي لأنك
ما هببت قوافل شوقو
ولا اكرمت رسايلو الجنك
لا عوافي ولا كيفنك

آه يا غُبُشْ
ما عندي ليكم
غير نغيم
برجوه ينفُض لي غبار
زمن القسا الكتّاح

مِنِّي متعشِّمْ طلوعِكْ
كُلِّي مستنيك تعودي
ويغسل السّاحات رجوعِكْ
في حشى أحراش الليالي

ولسه بْنَغَنِّي ونَغَنّي ونبوح
بسِرّ الغرام التدسّو ويفوح
وكلْما يفوح:
تغنّي الحبيبة وتمدّ اللحون

كُلِ ما الخُطوات تَقَرِّب
من دروب يوم كنا فيها
تحلف الأقدار وتعلن
استحالة يكون مشيها

وأنا يا خرطوم …
قلبي ميل كآبه وانتكا
وين الصغيرونة ..؟
بتي الهبهانه المستكه

ياحصان فرقع حوافك في الظلط
أنا وانت والكارو انسجمنا مع الهوان
من غفلة في الزمن الغلط
شاقين دروب أم در أمان

انيقنت من تالاك

أنا انيقنت

لااسف ولامحزون

وطنك هو راحة البال
وكت خاطرك ملبَّك بالهموم
ومعبّا بي كل التفاصيل !!
الوطن ما بيت،