الشعر

إيدين بنيات الفريق
قادرات على
صد الحِدَيْ
جاسرات على
صقر النكد.

وحفنة تقبقب في خلق الله
أنا متفائل بيك وعارف
إنك يوماً ما بتتخلى
تبقى حديث العالم كله

يا والدة أعفيلي ..
وعدي القطعتو معاك ..
إنو الكلام ممنوع .. في شلة الحكام
يا والدة دمي بيفور

النيل بفيض عزة
و شمس تزيدنا سمار
ناس أصلهم طيبة
و الجار بحب الجار
في السمحة تلقاهم

وطن ردناهو و ما رادنا
زادهم وصل و نحن وين زادنا

شنو الخلاك تنوم تحلم
على خرطة وطن مسروق؟
وطن في السوق .. وطن أشتر ..
مرق من ذمة التاريخ على ذمة كلاب الحر

يا الفى الدروب منكب
زادك دموع تنكب
يمرق غناك ينكب
يوما يفيض الشوق

دحين يا سيل ،
ولا قحّيت لهِن ساكِت ،
عشان يِختَن طريق جَيْتَكْ ؟
ولا طَقطَتَ ، لا صَفَّقتَ

كنا أحسن حالة
وإن كان
ما إتلقى الحكم اليصلِّح
الزمانات كانت أمهل
المعايش كانت أسهل

أملي قلبك بالوطن
بالصغار
قومة العمال دغش
بالنضار
والمزارعية الغبش