الشعر

علي قدر الحال
ماعندنا غير صوتنا
وعزتنا وطولة البال

دار تعرفي بعدك كيف حالي
حايهمك لو ذرفت عيني
لو تهت وراك في ترحالي

ام خشيمن حليب
ابقي ليكي عونكليب
الوارده الحفير
ابقي ليكي الدريب

اتخيلي بالله
كل القايلنو ولف عادي
احساس بتكرر يوميا
شايفاني وشايفك في قصادي

ذوق مني وكرم
سويتلها الفي عرفتي
سوت عرفت الغنه
في الصبي المابدوره

النيل كان مصاب في إيدو
ثرثرة الرياح جرفتلو
حزمة ضو ملانة غبار

يا سلام
لو تبقي جلسة جبنة
في طرف البحر
أو قعدة في صالون حلاقة

يا قمري البضاوي
الحنين واصوات خطاوي
ريدك المالي المسافة
وباقي للافراح تقاوي

انا حالي ياغيمه
وين ماتصبي معاك
اشواقي صبابه
مكتوبي اباري هواك
لما الفرح يابا

آخر ما تأخر
روحي هديتا ليك
و هاك قلبي المعطر
بس أشر و شاور