أخير تبكن على السودان

– ﻧﺎﺱ ﺍﻟﺒﻴﺖ
ﻫﻮﻭﻭﻱ ﻳﺎ ﻧﺎﺱ.
ﻳﺎ ﻋﺸﻤﺎﻧﺔ.
ﻳﺎ ﺇﺧﻼﺹ.
ﺑﻨﺎﺕ ﻛﻠﺘﻮﻡ
ﻳﺎ ﻓﻮﺯﻳﺔ
ﻛﻴﻒ ﺣﺎﻟﻜﻦ
ﻣﺸﺘﺎﺍﺍﺍﻗﻴﻴﻦ
ﺳﻼﺍﺍﺍﻡ ﺑﺎﻟﻜﻮﻡ
……….
ﺟﺎﺕ ﺳﻌﺪﻳﺔ
ﺷﺎﻳﻠﻪ ﺷﻤﺎﺭ
ﻣﻌﺎﻫﻮ »ﺍﻟﺘُﻮﻡ«
ﻣﺸﺖ ﺷﻬﺮﻳﻦ
ﺗَﻨَﻔِّﺲ ﺑﺘﻬﺎ
»ﺍﻟﺨﻤﺠﺎﻧﻪ«
ﻓﻲ ﺍﻟﺨﺮﺗﻮﻡ
ﺗﻤﺎﻡ ﺷﻬﺮﻳﻦ
ﺑﻴﻮﺕ ﺍﻟﺤﻠﻪ
ﻻ ﺳﻤﻌﺖ ﺧﺒﺎﺭ
ﻻ ﺷَﻤﺎﺭ
ﻭﻻ ﻗﺮﻗﺮ ﺿﺤﻚ
ﺣﻠﻘﻮﻡ.
ﻭﻻ ﻃﻘﻄﻖ ﻟﺒﺎﻥ
ﻫﻴﻤﺎﻥ
ﻓﻲ ﻣُﺒْﺨﺮ
ﺑﺨﻮﺭ ﺗﻴﻤﺎﻥ
ﻭﻻ ﺷﺎﻟﻦ ﺣﺮﻳﻢ
ﻓﻨﺠﺎﻥ
ﻭﺳﻴﺮﺓ ﺯﻭﻝ
ﻋﻠﻰ ﻗﺪﻭﻡ.
ﻻ ﺿﺤﻜﻮ ﺍﻟﺼﻐﺎﺭ
ﻓﻲ ﺣﺠﻮﺓ
ﻻ ﺳﻬﺮﻭﺍ ﺍﻟﻜﺒﺎﺭ
ﻓﻲ ﺣﻜﻮﻩ
ﻭﺍﺗﻤﺤّﻦ ﻭﻃﺎﺭ
ﺍﻟﻨﻮﻡ.
….
ﻧﺎﻥ ﺳﻌﺪﻳﺔ
ﺑﺖ ﺟﺒﺮﻳﻞ
ﻛﺎﻥ ﻋﺎﺭﻓﻴﻦ؟!
ﺭﻭﻳﺤﺔ ﺍﻟﺤِﻠﺔ
ﻭﺍﻟﻄﻠّﺔ.
ﻻ ﻗِﺪْﻣﺖ
ﻭﻻ ﻫِﻤْﻠﺖ
ﻻ ﻣﺴﺨﺖ
ﻟﺨﻠﻖ ﺍﻟﻠﻪ
ﻻ ﻋِﺮْﻓَﺖ
ﺑﻴﻮﺕ ﺍﻟﺤﻠﻪ
ﻟﻴﻬﺎ ﻣﺘﻴﻞ
…..
ﻛﺎﻥ ﻏﺎﺑﺖ
ﺗﻘﻮﻝ ﻧﺎﻣﺖ
ﻋﻴﻮﻥ ﺍﻟﻘﻤﺮﻩ
ﺃﻭ ﺗﺮﺗﺮ
ﻭﻓﺎﺕ ﺍﻟﻨﻴﻞ.
…….
ﻫﻲ ﺍﻟﻤﺸﺎﻃﻪ
ﻭﺍﻟﺤﻨﺎﻧﻪ
ﻭﺍﻟﺪﻻّﻛﻪ
ﻭﺍﻟﺪﺑّﺎﺭﻩ
ﻭﺍﻟﺸﻤﺸﺎﺭﻩ
ﻭﺍﻟﺴﻤﺴﺎﺭﻩ.
ﻭﺍﻟﻄﻬﺎﺭﻩ
ﺑﻲ ﻣﻮﺳﺎ
ﻣﺎ ﺧﻠﺖ
ﻓﻲ ﻫﺬﺍ ﺍﻟﺸﺎﻥ
ﻟِﺒﺖ ﻓﻲ ﺍﻟﺤﻠﻪ
ﺷﻲ ﻣﻄﻠﻮﻕ.
……
ﻫﻲ ﺍﻟﺠﻬّﺎﺯﻩ
ﻟﻠﻌﺮﺳﺎﻥ
ﻣﺎ ﺑﺘﻘﻌﺪ ﻋﺮﻭﺱ
ﻓﻲ ﺣُﻔﺮﻩ
ﻟﻮ ﺳﻌﺪﻳﺔ
ﻣﺎ ﻭﻗﺪﺕ
ﻃﻠﺢ ﺩﺧﺎﻥ.
ﻫﻲ ﺩﻳﻤﻪ ﺍﻟﺮﺍﺱ.
ﺍﻟﻘﻴﺪﻭﻣﻪ.
ﺩﻕ ﺍﻟﺮﻳﺤﻪ.
ﺳﺖ ﺍﻟﺸﻮﺭﻩ
ﻭﺍﻟﻄﺎﻳﻮﻕ.
ﻣﺮﺳﺎﻝ ﺍﻟﻨَﻘَﺺ
ﻟﻠﺴﻮﻕ
ﻋَﺮَﻕ ﺍﻟﻬِﻤّﻪ
ﻟﻠﺤﺒﺎﻥ
ﺧﺒﻴﺮﺓ ﺍﻟﺨُﻤﺮﻩ
ﺑﻲ ﻣﻴﺰﺍﻥ
ﻟﻮ ﺷﻢ ﺍﻟﻌﺮﻳﺲ
ﻋﻮﺳﺎ
ﺗﺴﻴﻞ ﺩﻣﻌﺎﺗﻮ
ﻭﻳﺘﺠﺮّﺱ
ﺗﻘﻮﻝ ﻭﻟّﻊ
ﻋﺪﻳﻞ ﺑﻤﺒﺎﻥ.
……..
ﻛﺎﻥ ﺩﻗّﺖ
ﺇﻳﺪﻳﻦ ﺳﻌﺪﻳﻪ
ﻓﻲ ﺍﻟﺘﻌﻠﻴﻤﻪ
ﺩﻟﻮﻛﻪ
ﺗﻼﻗﻲ ﺍﻟﻨﺨﻠﻪ
ﺗِﺘْﻔَﻨّﺲ
ﻭﻋﻮﺩﻫﺎ ﻳﻤﻴﻞ
ﺗﺒﻮﺱ ﺳﻌﻔﺎﺗﺎ
ﻣﻮﺝ ﺍﻟﻨﻴﻞ.
ﻭﻛﺎﻥ ﺷﺎﻟﻦ
ﺑﻨﺎﺕ ﺍﻟﺤﻠﻪ
ﻏﻨﻮﻩ ﻣﻌﺎﻫﺎ
ﺗِﺘْﻘَﻄّﻊ ﻋﺪﻳﻞ
ﻗﻤﺼﺎﻥ
ﻭﻳﺘﻜﺸّﻒ
ﺿﻬﺮ ﺷﺒﺎﻥ
ﻳﻮﻟﻮﻝ ﻓﻲ ﺍﻟﺠﻠﻮﺩ
ﺍﻟﺴﻮﻁ
ﻳﺮْﻛﺰ ﻓﻲ ﺍﻟﺒُﻄﺎﻥ
ﻋﺎﺷﻖ
ﺗﺰﻏﺮﺩ ﻟﻴﻬﻮ
ﺯﻭﻟﺘﻮ ﺍﻟﺴﻤﺤﻪ
»ﺳﺖ ﺍﻟﻔﻮﺕ«
ﻳﻔﻮﺭ ﻋِﺸﻘﻮ
ﻭﻳﻘﻮﻝ
– ﻳﺎ ﺳﻮﻁ
ﺍﺭﻳﺪﻙ ﻣﻮﺕ
ﺗﻬﺰ ﻓﻮﻗﻮ ﺍﻻﻳﺪﻳﻦ
ﻃﺎﻳﺮﺍﺕ
ﺗﻮﻟﻊ ﻧﺎﺭ
ﻓﻲ ﻭﺳﻂ ﺍﻟﺪﺍﺭ
ﺗَﺠِﻦ ﺯﻏﺮﻭﺩﺓ
ﻣﻦ ﺳﻌﺪﻳﺔ
ﻭﻳﺘﻠﻬﻠﺐ
ﻏﻨﺎ ﺍﻟﺒﻨﻮﺕ.
……..
– ﻧﺎﺱ ﺍﻟﺒﻴﺖ
ﻫﻮﻭﻭﻱ ﻳﺎ ﻧﺎﺱ.
ﻳﺎ ﻋﺸﻤﺎﻧﻪ
ﻳﺎ ﻓﻮﺯﻳﻪ
ﻳﺎ ﺇﺧﻼﺹ
ﺑﻨﺎﺕ ﻛﻠﺘﻮﻡ
ﻛﻴﻒ ﺣﺎﻟﻜﻦ
ﻣﺸﺘﺎﺍﺍﺍﻗﻴﻦ
ﺳﻼﺍﺍﺍﻡ ﺑﺎﻟﻜﻮﻡ
…
ﺇﻧﻔﺘﺤﻦ
ﻋﻴﻮﻥ ﺍﻟﺒﻴﺖ
ﻭﺍﻧﺠﺪﻋﻦ
ﺍﻳﺪﻳﻦ ﺍﻻﻭﺿﻪ
ﻭﺍﻟﺮﺍﻛﻮﺑﻪ
ﻭﺍﺗﺴﺮّﺡ
ﺷَﻌَﺮ ﻻﻟﻮﺑﻪ
ﺭﺟﻌﺖ ﺷﺎﺑﻪ
ﻓﺎﺗﺎ ﺍﻟﺸﻴﺐ.
ﻭﺭﻛّﺖ ﺭﺷّﻪ
ﻓﻮﻕ ﺻﻔﻘﺎﺕ
ﺷﺪﻳﺮﺓ ﺍﻟﺤﻨﻪ
ﻭﺍﺗﻤﺴّﺢ
ﻏَﺒﺎﺵ ﺍﻟﺼﻨّﻪ
ﻭﺍﺗﺠﻤّﻊ
ﺣﻤﺎﻡ ﺍﻟﺤﻠﻪ
ﻭﺍﺗﺮﺍﺻﺺ
ﺗﻘﻮﻝ »ﻗﺮﻗﻮﻝ«
ﺻَﺪَﺡ »ﻗﻮﻗﺎﻳﻮ«
ﺑﻲ ﺗﻬﺬﻳﺐ
…..
– ﺟﺎﺕ ﺳﻌﺪﻳﻪ
– ﺟﺎﺕ ﺳﻌﺪﻳﻪ
…..
ﺟَﺮَﺕ ﻋﺸﻤﺎﻧﻪ
ﻟﻲ ﺳﻌﺪﻳﻪ
ﺣﻔﻴﺎﻧﻪ
ﻭﺟﺎﺕ ﺇﺧﻼﺹ
ﺗَﻨَﻘِّﺰ
ﺯﻱ ﻭﻟﻴﺪ ﺍﻟﺮﻳﻞ
ﻭﻃﺮﺑﺎﻧﻪ.
ﺿﺤﻚ ﻗﺮﻗﺎﺭ
ﻭﺩﻣﻊ ﺍﻟﺸﻮﻕ
ﻧﺰﻝ ﺳﺮﺳﺎﺭ
ﻭﺻﺎﺭ ﺷَﻬَﻘﻰ
ﺍﻟﺴﻼﻡ
ﺩﻭﺑﻴﺖ
…
– ﺟﺎﺕ ﺳﻌﺪﻳﻪ
– ﺟﺎﺕ ﺳﻌﺪﻳﻪ
….
ﺳﺒﺎﻟﻴﻖ ﺍﻟﺒﻴﻮﺕ
ﺭﻓﻌﺖ ﻋﺪﻳﻞ
ﺗﻌﻈﻴﻤﻬﺎ
ﺑﺎﻟﺘﺮﺗﻴﺐ.
ﻭﺷﻮﻓﻮ ﺍﻟﺸﺎﻣﻪ
ﺑﺖ ﻛﻠﺘﻮﻡ
ﻭﻛﺖ ﺳﻤﻌﺖ
ﺳﻼﻡ ﺳﻌﺪﻳﻪ
– ﺑﺎﻟﺪﻫﺸﻪ-
ﻗﺪّ ﺍﻹﺑﺮﻩ
ﺍﺗﻐﺎﺗﺖ
ﻭﺍﺗﺴﻤّﺮ ﺭﻭﻳﺲ
ﺍﻟﺨﻴﺖ
ﻭﺇﺗﻨﺨَﺠَﺖ
ﺗﻘﻮﻝ ﺭﺍﺟﻴﺎﻟﻪ
ﺑﺲ ﻫﺒﺸﻪ
….
ﻭﻣﻦ ﺑﻴﻦ ﺇﻳﺪﻳﻦ
ﻓﻮﺯﻳﻪ ﺑﺖ ﻛﻠﺘﻮﻡ
ﻭﺑﺎﻟﻬﺠﻤﻪ
ﻛﻤﺎﻥ ﻃﺎﺭﺕ
ﻋﺪﻳﻞ ﻛﻤﺸﻪ.
ﻭﻧُﺺ ﺍﻟﺴﻬﻠﻪ
»ﺑﺖ ﺍﻟﺮﻳﻠﻪ«
ﺇﺗﻨﻔَﻀَﺖ
ﻭﺍﺗْﻨَﻔَﺸَﺖ
ﻭﺟﺎﺕ ﺯﻏﺮﻭﺩﻩ
ﺇﻧﺒﻬﻠﺖ
ﺇﺗْﻘَﺴّﻢ
ﺿِﻠﻴﻞ ﺷَﺪَﺭﻩ
ﻭﺍﺗﺒﺴَّﻢ
ﺧﺸﻴﻢ ﻣُﻔﺮﺍﻛﻪ
ﻓﻲ ﺣَﻠﺔ ﻣُﻼﺡ
ﺧُﺪْﺭﻩ
ﻭﺍﺗﺸﺮﺷﺮ
ﻓﻲ ﻧُﺺ ﺍﻟﻄﻮﻩ
ﻭﺍﺗْﻄﺎﻳﺮ
ﺣﻨﻴﻦ ﺍﻟﺰﻳﺖ.
…..
– ﺟﺎﺕ ﺳﻌﺪﻳﻪ
– ﺟﺎﺕ ﺳﻌﺪﻳﻪ
…
ﺍﺗﻌﻨﻜﺶ
ﻓﻲ ﻋﻮﺩ ﺳﻌﺪﻳﻪ
ﻛﻞ ﺍﻟﻨﺎﺱ.
ﺍﻟﺸُﻔَﻊ
ﺣﺮﻳﻢ ﺍﻟﺒﻴﺖ
ﺍﻟﺠﻴﺮﺍﻥ
ﺗﻘﻮﻝ ﻧﺨﻠﻪ
ﺳﺒﺎﻳﻂ ﺧﻴﺮﻫﺎ
ﺇﺗﺪْﻟّﺖ
ﻭﺗِﻘﻠﻮ ﺧﻼﺹ.
ﻭﻫﺎﻙ ﻳﺎ ﺳﻼﻡ
ﻭﻫﺎﻙ ﻳﺎ ﺷﻮﻕ
ﻭﻫﺎﻙ ﻳﺎ ﻛﻼﻡ
ﺇﺗﺠﻤّﻊ
ﻓﻲ ﺭﻣﺶ ﺍﻟﻌﻴﻦ
ﻫﻮﻯ ﺍﻷﺭﺣﺎﻡ
ﻭﺍﺗﺠﺪّﻉ
ﻭﻃﺎﻝ ﺍﻟﻀُﻞ
ﻓَﺮﺵ ﻟﻲ ﺑِﺮﺷﻮ
ﻟﻲ ﻗِﺪّﺍﻡ
ﻭﺍﺗﺮﺩّﺕ
ﺭﻭﻳﺤﺔ ﺍﻟﺒﻴﺖ
ﻗﻠﻊ ﺗﻮﺏ ﺯﻫﺠﻮ
ﺑﺎﻻﻳﺪﻳﻦ
…
ﺍﺗْﻔَﺮﺷﺖ
ﻓﻲ ﻏﻤﻀﺔ ﻋﻴﻦ
ﻋﻨﺎﻗﺮﻳﺐ ﺍﻷﻫﻞ
ﺻﻔﻴﻦ
ﻭﻛﻢ ﺳﺠﺎﺩﻩ
ﻛﻢ ﺑﻨﺒﺮ.
ﻭﻣﻦ ﻣﺒﺨﺮ
ﻣﺴﺘّﻒ
ﺑﻲ ﺑﺨﻮﺭ ﺗﻴﻤﺎﻥ
ﻃﻠﻊ ﺻَﻔّﻖ
ﺳﺤﺎﺏ ﺩﺧﺎﻥ
ﻭﺍﺗﺤﻜّﺮ
ﻓﻲ ﻧﺺ ﺗﺮﺑﻴﺰﻩ
ﺟﻚ ﻟﻴﻤﻮﻥ
ﻣﻨﺪِّﻱ ﻗﺰﺍﺯﻭ
ﺯﻱ ﺣﺘّﻞ
ﺩﻣﻮﻉ ﻣﻜﻨﻮﻥ.
ﻭﻭﺳﻂ ﺍﻟﺮﺟّﻪ
ﻭﺍﻟﻀﺤﻜﻪ
ﺇﺗﻤﺎﺳﻚ ﺗﻤﺎﻡ
ﺍﻟﻜﻮﻥ
ﺻِﺒِﺢ ﻣﻮﺯﻭﻥ.
….
ﺟﺎﺕ ﻗُﺮﺍﺻﻪ
ﺑﻲ ﺩﻣﻌﻪ
ﻭﺍﺗﺮﺍﺟﻒ
ﺻﺤﻦ ﻟﻘﻤﻪ
ﻭﻛﺖ ﺩﻟﻘﻦ
ﺇﻳﺪﻳﻦ ﻧﻌﻤﻪ
ﻋﻠﻴﻬﻮ ﻣﻼﺡ
ﻧﻌﻴﻤﻴﻪ
ﻭﺍﺗﺮﺻﺖ
ﺻﺤﻮﻥ ﺍﻟﻔﻮﻝ
ﺗﻘﻮﻝ ﻟﻤﻪ
ﻭﺑﺎﻟﻔﺮﺣﻪ
ﺿﺤﻚ ﺳﺮﻭﻳﺲ
ﻭﻛﺖ ﺭَﺩَﻣَﻦ
ﺇﻳﺪﻳﻦ ﺍﻟﺸﺎﻣﻪ
ﺑﺖ ﻛﻠﺘﻮﻡ
ﺗﻼﺕ ﻣﺮﺍﺕ
ﺗﻞ ﻣﻦ ﻧﺎﺭﻭ
ﻃﻌﻤﻴﻪ
…
ﻭﻫﺎﻙ ﻳﺎ ﻭﻧﺴﻪ
ﻳﺎ ﻗﺮﻗﺎﺭ
ﻭﻳﺎ ﺳﻌﺪﻳﻪ
ﺳﺖ ﺍﻟﻘﻌﺪﻩ
ﺇﻧﻔﺘﺤﻲ
ﺗﻘﻮﻝ ﺭﺍﺩﻱ
ﻭﻫﺎﻙ ﻳﺎ ﻧﺸﺮﺓ
ﺍﻟﺸﻬﺮﻳﻦ
ﻣﻦ ﺍﻟﺨﺮﺗﻮﻡ
ﺟِﻨﺲ ﺃﺧﺒﺎﺭ؟!
ﺗُﻮﻡ ﻭﺷﻤﺎﺭ
ﺣﺘﻰ ﺍﻟﻀُﻞ
ﻭﻗﻒ ﺷﻤﺸﺎﺭ
….
ﺻﻮﺍﻧﻲ ﺗﻔﻮﺕ
ﺻﻮﺍﻧﻲ ﺗﺠﻲ
ﻗﺼﺺ ﺑﺎﻟﻜﻮﻡ
ﺿﺤﻚ ﻭﺣﻜﻲ
ﻭﻳﺎ ﺳﻌﺪﻳﻪ
ﻣﺎ ﺧﻠﺖ
ﻧَﻔَﺲ ﻳﺘﺸﺎﻝ
ﻭﻻ ﺇﻳﺪﺍً
ﺗﺤﻚ ﺍﻟﺮﺍﺱ
ﺟِﻨِﺲ ﻗﺼﺼﺎً
ﺗﺠﻴﺐ ﻫﻠﻮﺍﺱ
….
ﺭﺍﺱ ﺍﻟﺒﻴﺖ
ﻭﻗﻒ ﻣﺸﻄﻮﺏ.
ﻓﻲ ﻋﻴﻦ ﺍﻟﻨﺨﻠﻪ
ﻛﺎﻥ ﺍﻟﺰﻳﺮ
ﺧﺮﻭﻑ ﺩﺑﺪﻭﺏ
ﻭﺑﺎﻟﻬﺠﻤﻪ
ﺇﻧﺰﻟﻘﻦ
ﻣﻦ ﺍﻻﻳﺪﻳﻦ
ﻛﺒﺎﺑﻲ ﺍﻟﺸﻮﺏ
ﻭﺍﺗﻠﺨﺒﻂ
ﺣﻤﺎﺭ ﻣﺮﺑﻮﻁ
ﻧﻬﻖ ﻓﻲ ﺍﻟﺨُﻠﻌﻪ
ﺑﺎﻟﻤﻘﻠﻮﺏ.
ﺻﻬﻞ
ﺿﺤﻚ ﺍﻟﺤﺮﻳﻢ
ﻛﻮﺭﺱ
ﻭﻛﺖ ﻓﺮﻗﻊ
ﺗﻘﻮﻝ ﻓﻲ ﺍﻟﺤﺘﻪ
ﻧُﺺ ﺍﻟﻘﺼﻪ
ﻛﺎﻥ ﻣﻜﺘﻮﺏ.
…..
ﻳﺎ ﺳﻌﺪﻳﻪ
ﻫﺎﻙ ﺍﻟﺮﺹ
ﻭﺭﺍﻫﻮ ﺍﻟﺮﺹ
ﻭﺗﺘﺠﺎﺩﻉ
ﺣﺮﻳﻢ ﺍﻟﺒﻴﺖ
ﺳﺆﺍﻝ ﻭﺳﺆﺍﻝ
ﺗﻘﻮﻝ ﺩﻭﺑﻴﺖ
….
– ﺳﺠﻢ ﺧﺸﻤﻲ
ﻣﺴﻚ ﺇﻳﺪﻳﻨﻬﺎ
ﺟﻮﻩ ﺍﻟﺒﺺ؟!
…
– ﺃﺟﻲ ﻳﺎ ﻳﻤﻪ؟!
ﻛﻤﺎﻥ ﻗﻠﻌﻦ
ﻋﺪﻳﻞ ﺍﻟﺘﻮﺏ؟!
….
– ﺳﺠﻢ ﺃُﻣﺎﺗﻦ
ﺍﻟﺨﺎﻳﺒﺎﺕ
ﺷﻦ ﺭﺍﺟﻴﺎﺕ؟!
…
– ﺃﺧﻴﺮ ﻭﺍﺣﺴﻦ
ﻳﻘﻮﻟﻦ ﺭﻭﻭﻭﺏ
…..
– ﻗﻠﺘﻲ ﺷﻨﻮ؟!
ﻭﺍﺣﺪﺍﺕ ﺷﺮﺑﻦ
ﻋﺪﻳﻞ ﺍﻟـ……
ﺷﻨﻮ؟!
ﺍﻟﺸﻴﺸﻪ
ﻭﻻّ ﺣﺸﻴﺶ؟!!
….
– ﺳﺠﻢ ﺃﻣﻲ
ﻳﺎ ﺳﻌﺪﻳﻪ
ﻗﻠﺘﻲ ﺍﻟﺸﻲ ﺍﻟﻮﺭﺍ
ﺩﺍﻙ
ﺳﻤﻮﻫﻮ ﺑﺮﺿﻮ
ﺷﻨﻮ؟
ﺍﻟﺪِﺵ؟!
ﻳﺎ ﺳﻌﺪﻳﻪ
ﺑﺖ ﺟﺒﺮﻳﻞ
ﺗﻘﻮﻝ ﺣﺎﻭﻱ
ﺍﺗﺤﻜﺮﺗﻲ
ﺷﻠﺘﻲ ﺍﻟﺠﻮ
ﺣﺮﻳﻢ ﺍﻟﺒﻴﺖ
ﺑﻀﺤﻜﻪ ﻃﻮﻳﻠﻪ
ﺳَﻮّﻥ ﺷﻮﻭﻭﻭ
ﻭﻛﺖ ﺳﻌﺪﻳﻪ
ﺇﺗﻔَﻨَﺴﺖ
ﻭﻗﺎﻟﺖ
– ﺃﻳّﺎ
ﺍﺳﻤﻮ ﺍﻟﺪِﺵ
ﻭﺣﺎﺓ ﺍﻟﻠﻪ
ﺷﻔﺖ ﺑﻨﻴّﻪ
ﻧُﺺ ﺍﻟﺴﻮﻕ
ﻭﺑﺎﻟﻔﺴﺘﺎﻥ
ﺗَﻘَﻠِّﺐ ﻟﻴﻬﺎ
ﻓﻲ ﺩِﺷّﺎً
ﺗﻘﻮﻝ ﻋﺘﺎﻟﻲ
ﺷﺎﻳﻞ ﻟﻴﻬﻮ
ﻗﻨﻄﺎﺭ ﻋﻴﺶ
ﺟﻮﻩ ﺍﻟﺨﻴﺶ
…
ﻭﻳﺎ ﺳﻌﺪﻳﻪ
ﺑﺖ ﺟﺒﺮﻳﻞ
ﻭﻛﺖ ﻛِﺘْﺮ
ﺍﻟﻄَﻌِﻦ ﻓﻲ ﺍﻟﻀُﻞ
ﺇﺗﻌﺪﻟﺖ
ﻓﻲ ﻧﺺ ﺍﻟﺪﺍﺭﻩ
ﺯﻱ ﻣﻠْﻜﻪ
ﻭﺧَﺸّﺖ ﺗﻮﻭﻭﺵ
ﻋﺪﻳﻞ ﻓﻲ ﺍﻟﻔﻴﻞ
….
– ﻫﻲ ﻳﺎ ﻳﻤﻪ
ﻧﺎﻥ ﻣﺎ ﻧﺴﻴﺖ
ﺃﻗﻮﻝ ﻟﻴﻜﻦ
ﺣﻜﺎﻳﺔ ﺍﻟﺰﺍﻛﻲ
ﻭﺩ ﻗﻨﺪﻳﻞ
– ﺍﻟﺰﺍﻛﻲ ﻣﻨﻮ؟
– ﻭﺩ ﻗﻨﺪﻳﻞ
ﺟﺎﺭ ﺍﻟﺘﻮﻡ
– ﺍﻟﺘﻮﻡ
ﺭﺍﺟﻞ ﺑﺘﻚ
»ﺍﻟﺨﻤﺠﺎﻧﻪ«
ﻓﻲ ﺍﻟﺨﺮﺗﻮﻡ؟
– ﺃﻳّﺎ
…
ﻭﺍﻧﻌﺼﺮﻥ
ﺣﺮﻳﻢ ﺍﻟﺒﻴﺖ
ﻋﻠﻰ ﺳﻌﺪﻳﻪ
ﺟﺎﻳﻰ ﺷﻤﺎﺭ
ﻛﺒﺎﺭ ﻣﺮﺩﻭﻡ
ﻣﻌﺎﻫﻮ ﺍﻟﺘُﻮﻡ
ﻭﺷِﻴﻬﻦ ﺭﺍﺭﺍ
ﻟﻼﺧﺒﺎﺭ
…
ﻳﺎ ﺳﻌﺪﻳﻪ
ﺧُﺸﻲ ﻋﺪﻳﻞ
ﻃَﻌِﻦ ﻓﻲ ﺍﻟﻔﻴﻞ
….
– ﻫﻮ ﺯﻭﻝ ﺳﻤﺴﺎﺭ
ﻗﺮﻭﺷﻮ ﻛُﺘﺎﺭ
ﻭﺧﺎﻟﻮ ﻭﺯﻳﺮ
– ﺳﻤﺴﺎﺭ ﺳﻮﻕ
ﻭﻻّ ﺑﻴﻮﺕ؟!
– ﻓﻲ ﺷﻴﺘﺎً
ﻣﺎ ﺑﺴﻤﺴﺮ ﻓﻴﻬﻮ
ﻭﺩ ﻗﻨﺪﻳﻞ؟!
ﻣﻦ ﺍﻟﺨﺮﻓﺎﻥ
ﻟﺤﺪﻱ ﺍﻟﺨُﺮﺩﻩ
ﻭﺍﻟﻌﺮﺑﻴﺔ ﻭﺍﻟﺘﻼﺟﻪ
ﻭﺍﻟﺪﻛﺎﻥ.
ﺳﻮﺍﻗﻲ
ﻟﻮﺍﺭﻱ
ﻃﻴﺎﺭﺍﺕ.
ﺑﻴﻮﺕ ﻟﻠﺒﻴﻊ
ﺑﻴﻮﺕ ﺗﺄﺟﻴﺮ
ﺣﺼﻴﻦ
ﻭﺣﻤﻴﺮ
ﻛﻤﺎﻥ ﺃﻛﺸﺎﻙ
ﺗﺠﺎﺭْﺓ ﺍﻟﺸﻨﻄﺔ
ﻭﺍﻟﺘﻤﺒﺎﻙ.
ﺟﺰﻡ
ﻗﻤﺼﺎﻥ
ﻭﺭﻕ
ﺃﻗﻼﻡ
ﻛﻤﺎﻥ ﺩﺧﺎﻥ.
….
ﻭﻛﺖ ﺩﻗّﺖ ﺳﺪﻳﺮﻫﺎ
ﺍﻟﺸﺎﻣﻪ
ﺑﺖ ﻛﻠﺘﻮﻡ
ﻛﻤﺎﻥ
ﻛﻞ ﺍﻟﺤﺮﻳﻢ ﺗﺒﻌﻮﻫﺎ
ﻓﻲ ﺫﺍ ﺍﻟﺸﺎﻥ
….
– ﺳﺠﻢ ﺧﺸﻤﻲ
ﺳﺠﻢ ﺧﺸﻤﻲ
ﻭﺍ ﺧﺠﻴﻠﺘﻲ
ﻭﺍ ﺧﺠﻴﻠﺘﻲ
ﻳﺎ ﻧﺴﻮﺍﻥ
– ﻛﻤﺎﻥ ﺩﺧﺎﻥ؟!
….
ﺳﻌﺪﻳﻪ ﻏﻤﺰﺕ
ﻟﻴﻬﺎ
ﻏﻤﺰﻩ ﻃَﺮَﻑ
ﻭﺯﻱ ﺣﺎﻭﻱ
ﻭﺑﻲ ﺣﺮﻛﺔ ﺻﻮﺍﺑْﻊ
ﺍﻹﻳﺪ
ﺳﻮّﺕ ﻟﻴﻬﺎ
ﻭﺭﻗﺔ ﻟﻒ
ﻭﻣﻄّﺖ ﻟﻠﺤﺮﻭﻑ
ﺗﺒﻴﺎﻥ
– ﺩﺧﺎﺍﺍﺍﺍﺍﻥ
ﻣﺎ ﺩﺧﺎﺍﺍﺍﺍﻥ
ﻓﻬﻤﺘﻦ ﺣﺴﻪ
ﻳﺎ ﻧﺴﻮﺍﻥ؟!
– ﺳﺠﻢ ﺧﺸﻤﻲ
ﺣﺘﻰ ﺍﻟﺒﻨﻘﻮ
ﺑﺎﻋﻮ ﻛﻤﺎﻥ؟!
– ﺃﺻُﺒْﺮَﻥ
ﺃﺻُﺒْﺮَﻥ
ﻭﻗﺎﻟﻮﺍ ﺍﻟﺴﺎﺗﺮﻭ
ﻭﺳﺎﻧﺪﻭ
ﺧﺎﻟﻮ ﻭﻓﺎﻫﻤﻮ.
ﻭﺳﻤﻌﺖ ﺷﻤﺎﺭ
ﻗﺎﻟﻮﺍ ﺍﺳﺘﻮﺭﺩﻭ
ﺍﻟﺒﻤﺒﺎﻥ
…..
ﺍﻟﺸﺎﻣﺔ ﺷﻬﻘﺖ
ﻭﺻﻮﺗﻬﺎ ﻋﺸﺮﻕ
ﻭﺍﻟﺮﻳﻠﻪ ﻧَﻔّﺖ
ﺩﻣﻮﻋﻬﺎ ﺳﺎﻟﺖ
ﻭﻓﻮﺯﻳﻪ ﻗَﺤّﺖ.
ﻋﺸﻤﺎﻧﺔ ﻋﻄﺴﺖ.
….
ﻭﺳﻌﺪﻳﻪ ﺿﺤﻜﺖ
– ﺳﺠﻤﻜﻦ
ﻣﺎﻟﻜﻦ ﺣﺴﻪ
ﻳﺎ ﻧﺴﻮﺍﻥ؟!
ﺷﺎﻥ ﻗﻠﺖ ﺑﺲ
ﺑﻤﺒﺎﻥ؟!!
….
– ﻭﺧﺎﻟﻮ ﻭﺯﻳﺮ
– ﺃﻳّﺎ
ﻣﻜﻨﻜﺶ
ﻓﻲ ﺍﻟﻜﺮﺍﺳﻲ ﻋﺪﻳﻞ
ﻻ ﺷﺎﻟﻮﻫﻮ
ﻓﻲ ﺗﻌﺪﻳﻞ
ﻻ ﻧﻘﻠﻮﻫﻮ
ﺑﺮﻩ ﺳﻔﻴﺮ.
ﻭﻟﻮ ﺳﺎﻁ ﺍﻟﺒﻠﺪ
ﺑﻲ ﺣﺎﻟﻬﺎ
ﻣﺎ ﺳﺄﻟﻮﻫﻮ
ﻣﻦ ﺗﻔﺴﻴﺮ
– ﻣﺴﺎﺧْﺮ ﺍﻟﺪﻧﻴﺎ
ﻓﻲ ﻧﺎﺱ ﺩﻳﻞ
– ﻧﺎﺱ ﻣﺪﻓﻮﺭﻩ
ﻳﻮﺕ ﻟﻲ ﻓﻮﻕ
ﻭﻧﺎﺱ ﺑﻨﻴﺎﻧﻬﺎ
ﺩﺭﺏ ﺍﻟﺴﻴﻞ.
….
ﻭﻳﺎ ﺳﻌﺪﻳﻪ
ﺯﻳﺪﻱ ﺷﻤﺎﺭ
ﻟﺴﻪ ﺍﻟﺮﺍﺩﻱ
ﻓﻴﻬﻮ ﺧﺒﺎﺭ
….
– ﺃﻫﺎ ﺍﺗﺬﻛﺮﺕ
ﺣﺎﺟﺔ ﻛﻤﺎﻥ
ﻭﺍﻟﻠﻪ ﻟﻮ ﺣﺠُّﻮﻧﺎ
ﻣﺎ ﺑﺘﺪﺧﻞ
ﻋَﻘُﻞ ﻭﺃﺿﺎﻥ
…
ﺍﺗﻔﺘﺤﺖ
ﻋﻴﻮﻥ ﺷﺒﺎﻙ
ﻭﺻَﻨُّﻮ ﺍﺗﺼّﻨﺘُﻮ
ﺍﻟﺒﻴﺒﺎﻥ
ﻭﺍﺗﻤﺪّﺕ
ﺇﺿﻴﻦ ﻧﺴﻮﺍﻥ
ﻭﻳﺎ ﺳﻌﺪﻳﻪ
ﺍﺗﺸﻤﺮﺗﻲ
ﻭﺍﺗﺤﻜﺮﺗﻲ
ﻭﺍﺗﻤﻬﻠﺘﻲ
ﻭﺍﺗﻮﻛﻠﺘﻲ ﺑﺎﻟﺮﺣﻤﻦ
ﺷﻤﺎﺭﺍ ﺍﻟﺠﺎﻱ
ﺻﻨﻔﻮ ﺗﻘﻴﻞ
ﻋﺪﻳﻞ ﻳﻜﺴﺮ
ﺭﻗﻴﺒﺔ ﺍﻟﻔﻴﻞ.
…
– ﻗﺎﻟﻮ ﺍﻟﺰﺍﻛﻲ
ﺧَﺶّ ﻋﺪﻳﻞ
ﻳﺴﻤﺴﺮ
ﻓﻲ ﻣﻘﺎﺑْﺮ ﺍﻟﺒﻜﺮﻱ
ﻭﺃﺣﻤﺪ ﺷﺮﻓﻲ
ﻭﺣﻤﺪ ﺍﻟﻨﻴﻞ
…
ﻓﻲ ﺗﺮﺑﻴﺰﻩ
ﻧﺺ ﺍﻟﻘﻌﺪﻩ
ﻣﻦّ ﺍﻟﺨﻠﻌﻪ
ﺍﻧﻜﺴﺮﺕ ﻛﺒﺎﺑﻲ
ﺍﻟﺸُﻮﺏ
ﻭﻃﺎﺭﺕ ﻟﻴﻚ
ﺻﻮﺍﻧﻲ ﺍﻟﺸﺎﻱ
ﻭﻗﻌﺖ ﺭُﺏ.
….
– ﻋﺸﺎﻥ ﺍﻟﻤﻮﺕ
ﺻﺒﺢ ﺑﺎﻟﻜﻮﻡ
ﻭﻣﻮﺕ ﺍﻟﺠُﻤﻠﻪ
ﺻﺎﺭ ﻣﻌﻠﻮﻡ
ﻧﺎﺱ ﺍﻟﺰﺍﻛﻲ
ﺷﺎﻥ ﻣﺎ ﻳﺒﻘﻮﺍ
ﻳﻮﻡ ﻓﻲ ﻟﻮﻡ
ﻗﺎﻟﻮﺍ ﺍﻟﻨﺎﺱ
ﺗﻘﺪﻡ ﻟﻲ ﻗَﺒُﺮ
ﺑﺪﺭﻱ
ﻭﻣﺎ ﺗْﺴﻬِّﻰ
ﻭﻳﺸﻴﻠﻚ ﻧﻮﻡ
ﺗﺨُﺖ ﺩﻣﻐﺎﺕ
ﻓﻲ ﻃﻠﺐ ﺍﻟﺘُﺮﺑﻪ
ﺗﺪﻓﻊ ﻟﻠﺤﺠﺰ
ﻭﺭﺳﻮﻡ
ﻭﻳﺪﻭﻙ….
ﻭﻳﺪﻭﻙ….
ﺷﻦ ﺳﻤﻮﻫﺎ ﻳﺎ ﺳﻌﺪﻳﻪ
ﺑﺖ ﺟﺒﺮﻳﻞ
ﺷﻦ ﺳﻤﻮﻫﺎ ﻳﺎ ﺳﻌﺪﻳﻪ
ﺑﺖ ﺟﺒﺮﻳﻞ….
ﺃﻳّﺎ
»ﺷﻬﺎﺩﺓ ﺑﺤﺚ«
ﻣﻜﺎﻥ ﻋﺎﻳﺰ.
ﺗُﺮﺏ ﻓﺎﺭﻭﻕ
ﻭﺩ ﺍﻟﺒﻜﺮﻱ
ﺃﺣﻤﺪ ﺷﺮﻓﻲ
ﺣﻤﺪ ﺍﻟﻨﻴﻞ
….
ﺇﻧْﻘَﻠَﺪﻥ
ﺣﺮﻳﻢ ﺍﻟﺒﻴﺖ
ﻭﺍﻧﻔﻘﻌﻦ
ﺩﻣﻮﻉ ﻭﻋﻮﻳﻞ
…
ﺻﻮﺕ ﺍﻟﻨﺨﻠﻪ
ﺑﺎﻟﻤﻠﻴﺎﻥ
ﺯِﻋِﻞ ﻛﻮﺭﻙ
– ﻳﺎ ﻧﺴﻮﺍﻥ
ﺑﺪﻝ ﺗﺒﻜﻦ
ﻋﻠﻰ ﺍﻟﺨﺮﺗﻮﻡ
ﺑﺪﻝ ﺗﺒﻜﻦ
ﻋﻠﻰ ﺍﻣﺪﺭﻣﺎﻥ
ﺃﺧﻴﺮ ﺗﺒﻜﻦ
ﻋﻠﻰ ﺍﻟﺴﻮﺩﺍﻥ