حظي التعيس

حظي التعيس الهردبيس
الناس يرك فوقا الحمام
انا يرك فوقي الكديس
افرش مصلايتي فى الجامع
تطلع قرمصيص
لوقلتة أقشر يوم خميس
و أفوت الحفلة فوووو طوالي
تتفرتك الحفلة وتموت أم العريس

لبست لي قميص كدة
وقلت الليلة حيعمل هيصة وصدا
مشيت الجامعة الشغل إبتدا
أول زول لاقيتو ندى
قالت لي دا شنو دا
ليه عامل في نفسك كدا
والله صدمتني وحمتني الغدا
قلتليها والله باكر أجي بي ردى

شديت لي قميص أصفر
نضيف تقول مصنفر
وركبت في السلم عشان أظهر
وقلت الليلة فقري خطر
حا أجيب قون من السنتر
أول زول قابلتو سحر
قالت لي دا شنو يا أشتر
لابس ليك قميص أصفر كمان في الحر
هنبوك ولا كستر تكسي بيجو ولاهنتر

حظي التعيس الماعندو دم
في الفشفاش القى العضم

حظي النحس الجواي دايماً منحشر
في البسكويت القى القشر
كراعي في البنطلون مابتنحشر
سنارتي من البحر تقبض جقر