الشد في الخاطر
حافظ أبو لكيلك
كتير الشد في الخاطر لمي ام براع
سكه وفكه اتشكي ونفخلو شراع
نحن الواجب آ هاديه النشيلو كراع
وين ماقام شكر بنزيد عليهو ضراع
اسراب القطا وارنب تشوفه دروبه
والتدب البش خابر حلاتو اقروبه
لفيت النعم من القشوش لي الروبه
الصايم المسك زمن الشمش لي غروبه
علي ودي الله هاجمه والسماح ماقله
دنان البقر عن الزنين ما اتخله
الرمله المتل ودع ام شلخ في القله
طرتني المسك درب الجروف واتدله
ام ميكح لبس من المبرقع صوفي
متقاود سمر رسم البيان الكوفي
ناس الرسنو نافح ومن قفاهو مفوفي
شايفك ذات غرور كان بي غرور بتشوفي
