الله شافك

الله شافِك

من وهم ميّل كتافِك

من حلم ضلّم دروبك

لا خِتيتيو لا هو خافِك

وغررِك بي ضي مشتت

وطشّ من شاف انعطافِك

لو أساس الريد مصالح

زيدي حول الهم طوافِك

وعيشي هايمة باحترافِك

ومايهمِك إنصرافِك

من شعورِك واعترافِك

ياخي مالِن أمنياتك

ستّفن كل المداخل

بالسراب هدّن ضِفافِك

لملمي الفرح البنادي

وطوقيهو بتوب عفافِك

وخلي بالرحمن تِكالِك

وعافي كل الراح وعافِك

وتوِّري النوم من ضميرِك

وماتفوت رجليك لحافِك