هو شنو الحصل
إسلام النحاس
هو شنو الحصل
على قدر ما تنوم لينا عين
يقدل علي خيبتو الورل
وشنو الحصل
لما البلد بور ما بتجود
كيفن بتزرعوا في الامل
وشنو الحصل
شان كل يوم يطلع قرار
تقراهو بي خيبة وخجل
وشنو الحصل
شان تاني تنكش جنها
صدقني لو ضنت عليك
يبقى الحصل مو منها
من البقسمو في الوطن
كومين خراب كومين تراب
والخافي من باقي الارض
اوعاك تسأل عنها
هو شنو الحصل
وادانا وين ومتين نصل
احسن نبارحك يا وطن
دام ماقدرنا نلاقي حل