البنيات

البنيات

الصباحات

سمحه مرقاتن بلا الريل

بي تخاصيمهن يلمن في الضيوف

ترحاب وتفضيل

شالنا منهن الشديد القوي

ياخ طولنا بالحيل

****

الظرووف بكتنا ياما

لو في كان بقولينا منديل

لملمن فينا المواجع

ومنهن قدرتنا بنشل

الهجين المن سحن اماتنا

وينو لي غربتنا يا ليل

ضيعننا منهن اقدارنا

قلنا وراهن الروب في البهاديل

***

نيل يلمنا زي دا ننسه ونمشي

تاني نكوس وراو نيل . . !!؟

الصبوحه ملامحو

مترامي الرزق

فوق حضنو

اشرعة النخيل

بلدي يا الواحشني كيفك . .؟؟

يا وصية اهلي القبيل

يا المحبتنا بتخيل فيك

وكل غنوات الخليل