ضل المطر

شفت الخريف الطيبو خش الروح معاك ؟

من روحتا بت عمك تشمو كمت كمت

وشفت الحنين الكنت بشكيلك لهيبو ووجتو

؟

وما جبتلك من تاني سيرتو وحجتو ؟

علشان حسايسي اتفححمت

شوف ليا كم سنة في السقاي

بسقيها من دمي وبقولها بكرة جاي

نخلة امانينا القلال

مفروض تكون اليوم رمت

وات يا الصبي ظانيني بشمت في عزابك وغربتك

ها

ويجيني من وين الشمت؟

ودايرني ارجع لي ديارك تاني واديك خاطرا؟

ما راجعة تب ….

شن تبقى لي ؟..

داراً بدون عينيك عمت

ضل المطر…