إكتمال سرب البنفسج
إكتمال سرب البنفسج
ف إحتمال اللوحه سرمد
عدة الوان ..
عندك احمد
ابهت اولاد عمك ابيض
اخضر اعلان
احمر ابيض اخضر اسود
قيمتو عسجد
اثمن احجارنا الكريمه
الزبرجد
في كريمه
وجودو قيمه
كل إحتقان اللوحه
في نفضة الريشه
الحمار ..
شفق البنيات
و الشرف
إنحلال ضلمه مغارب الدنيا لون
في قبضه الريح جاري كون
من بين اصابع الحله إتسرب
وكت .
دم الوليدات سال بحور
طقت زغاريد ذات صباح
طلقو البخور
صوط البطان يتعالي صوت
دلوكه تخمج
و دارة قاجه حنين و نيل
جابودي يجبد في الرقيص
الحنه و الفال قرمصيص
و الحرقه تحرق في الحشا
الليل يذيد في طولو ويل
الشوق مشاوير العشا
ساساق عيون المتعبين
ساساق نبيل
قبال يتم نام و اختشي
صحاهو حييي علي الوطن
القام فصيح صنقع رطن
بلل عيونو من الغمام
اتكرف المحبوب عطن
الدنيا ما بتسوالو شي
غير ضحكه في وش الزمن
فرة وشي
و اهم شي
لمن يقاسم غيرو شي
و لو كان قليل
زمان وكتين يغنيلنا الخليل
عازة ف هواك
كنت ف هواك
بتمني ادي الروح فداك
بتمني تسكني في الضلوع
بتمني امنعك الطلوع
يا واحدة و الكون شين بلاك
درويشك الداقي الذكر
صادفني في ذات ليل عكر
اداني طار
اداني عصفور
قبل ما يسلم علي فكيتو طار
اديتو نوبه
اديتو سبحه وركعتين
اداني لوحه ووردة حمرا بدون إطار
انا كنت وين ؟
و داني غار
حمامه بيضا وعنكبوت
يا بت منار
ياااا الله يا كاشف الستار
سيدي النبي
تقابه العشق الخبي
ما تلعبي
و الدنيا ظار
خليهو جدك جادي جدا
ما هظار
خليني وسط اللمه
و الناس الكتار
سيبي المواعيد بينا
من دون إنتظار
و الله حاار
لمن اكون مشتاق اشوف عينيك
و العالم دمار
و و الله حار
لمن مواعيدك
تروح سااي سمبهار
و الله حار
في كل خطوة مشيت عليك
مشيت علي اشواقي نار
و الله حار
لمن تكون تايه حبيب
و دليلو حار
و الله نار