ليه رابط القمر

و ليه رابط القمر بي خيت ؟

تسيبو يطير .. تكاوي الناس

بعد ما تقوم ، تشيلو البيت

و ليه رابط القمر بي خيت ؟

و يرضيك تحرم العالم

و تستمتع براك بالضو ؟

و يضيرك ايه تسيبو يطير

يحلق بالجمال في الجو

ولو كان هسه لي غيرك

بتتحمل تعيش في لو ؟

حرام تحبس شعاع قمرة

عشان بس للقمر حبيت

و تبقى تحندك النجمات

و شارع الحلة نص الليل

و نفقد نحن سر الريد

و يغيب عن المحلة شليل

و نسأل عن قمرنا الغاب

و نلقاك شلتو انت قبيل

و نصرخ بي حروف غيرة

خلاص قلنا القمر قسمة

و باكر خيرا في غيرا

فجأة ينادي فينا الشوق

خلاص انا بالمحنة بكيت

ليه رابط القمر بي خيت ؟

تسيبو يطير .. تكاوي الناس

بعد ما تقوم ، تشيلو البيت