إعلان جديد

أعلان جديد

الحزن مكسور الجناح

والليل سعيد

والجو على كيف الرياح

فوق أي إيد

برسم خطوط الأمنيات

ويغمت شديد

وأنا راقصة في موج القصيد

كل ما أميل

تبشر علي

ويا الله لي

أصبح صباح

وكسرة وملاح

في الحلة بين أمي وأبوي

ويا الله لي

صاحب وفي

وفرح خفي

وبحر بلم جزرو العليو

علشان تمد

مد قد تمد

وأصلب مجازر القلب

في بيت وإنتحب

نضف شوارع الروح

ويلاكا ال نحب

حب أي شي

الواطه كان صح المجاز

لون ضلامات المشي

أسكر وشيل همك براك

وأفرح مع الكون وإنتشي

حب أي زول

شوف أي زول من جوا كيف

تلقاو نضيف

أبيض كما تحتاج رؤاك

ناصع إذا الضو إنكسر

مردود عليك