طريتك

طرَيتك ليل وبرقا في المشارق لال

وبلل العينه زي دمعي المحقن شال

طرَيت الطيبة طيبة امي

طرَيت فرحي وطرَيت المي

وطرَيت همي وريدة اهل الفريق للقال

طرَيت الناس وظلم الناس

رضيت يا دنيا شلت احزاني فوق الراس

اكان يا دنيا تنجمي

قالو البسمة للتانيين ودمعك ليك وبيك

وناس

وعرق الطيبة عند اهل الحنين دساس

بدور يا ناس

بدور مثل الخريف ما عاد بعد غرب

مثل ناس الله ما بتفرح بدور افرح

وبعد الصبنة والسفاي

وجلدا في العظم كرب

يجيني رشاش واشم الطين

واكج حرماني فرقان ريدة للغاشين

بدور افرح

واقوم يا ناس

بعد هودت فوق الصي

اعاود لي بلود الرب واتيقن

واشوف الرحمة شوف العين

يزول البى واقوم افرح

تشقق بسمة الاطفال في الكون خير

وخضرة .. وضي

والحنية ما لاقيها من الناس اشيله قصيد

واسيها سبيل سبيل للناس

فرح يملأ الحنينين ري

اصلو البسمة للتانيين ودمعك ليك

وبيك وناس

وعرق الطيبة عند اهل الحنين دساس